តាម​ការ​កត់ត្រា​ប្រវត្តិសាស្ត្រ​ និង​សិលា​ចារឹក​ក្នុង​សម័យ​អង្គរ​គឺ​ការ​អប់រំ​ខ្មែរ​មាន​ការ​រីកចម្រើន​ខ្លាំង​រហូត​ដល់​មាន​ជនបរទេស​មកពី​នគរ​ជិត​ឆ្ងាយ​មក​ស្នាក់នៅ​រៀនសូត្រ​នៅ​អង្គរ​ទៀត​ផង។ ប៉ុន្តែ​ប្រទេស​ខ្លាំង​សម្បូរ​សត្រូវ​ច្រើន។ ដើមឈើ​ខ្ពស់​ត្រូវ​ខ្យល់​ខ្លាំង។ សមុទ្រ​ធំ​រលក​ខ្ពស់។ ការណ៍​នេះ​បាន​ធ្វើឲ្យ​នគរ​ខ្មែរ​ត្រូវ​បរទេស​ឈ្លានពាន​ជាច្រើន​លើក​ច្រើន​សា​ជាពិសេស​គឺ​សៀម។