ថ្មីៗ​នេះ​មាន​អត្ថបទ​មួយ​ដែល​បាន​ចុះ​ផ្សាយ​ក្នុង​កាសែត​ភ្នំពេញ​ប៉ុស្ដិ៍ ដែល​បាន​លើក​ឡើង​ពី​ជំងឺ​របស់​ខ្មែរ។ ក្នុង​អត្ថបទ​នោះ​បាន​លើក​ឡើង​ថា គេ​អាច​បែងចែក​មនុស្ស​ជា​ពីរ​ប្រភេទ។ ទី​មួយ​គឺ​មនុស្ស​កើត​ជំងឺ​ឥតខ្ចោះ​និយម និង​ទី​ពីរ​គឺ​មនុស្ស​ប្រាកដនិយម។ ការលើកឡើង​អំពី​ប្រភេទ​មនុស្ស​កើត​ជំងឺ​ឥតខ្ចោះ​និយម ថា​ជា​រឿយៗ​មិន​អាច​សម្រេច​កិច្ចការ​អ្វី​បាន​ទេ ពីព្រោះ​ពួកគេ​មាន​​និន្នាការ​បោះបង់​កិច្ចការ​ចោល​ដោយ​មិន​​ទាំង​បាន​ចាប់ផ្តើម​ផង​កុំ​ថា​ឡើយ​បាន​ធ្វើ​នោះ មាន​ចំណុច​ត្រូវ​ខ្លះ​ដែរ ប៉ុន្ដែ​ក្នុង​ទិដ្ឋភាព​ជាក់ស្ដែង មនុស្ស​បែប​នោះ​ខ្មែរ​​តែង​ហៅថា​មនុស្ស​​សាញប្រដាញ មិន​ដាច់ស្រេច កាន់​ការងារ​អ្វី​ក៏​មិន​​សម្រេច។ ឯ​​មនុស្ស​ប្រភេទ​ទី ២ ជា​មនុស្ស​​ប្រាកដនិយម។ មនុស្ស​ប្រភេទ​នេះ​អាច​​សម្រេច​កិច្ចការ​​បាន​​ច្រើន។