បើ​ពេល​មេឃ​ដី​ប្រែ​ប្រួល ថ្ម​ភ្នំ​រលំ​សង្កត់ សមុទ្រ​ជន់​ជោរ រាស្រ្ត​ក្នុង​នគរ​ជ្រួល​ច្របល់ សេដ្ឋកិច្ច​មាន​បញ្ហា សង្គមកិច្ច​មាន​វិបត្តិ​ជ្រាល​ជ្រៅ​ឃើញ​នឹង​មុខ​គ្រប់ៗ​គ្នា...ដែល​ធ្វើ​ឲ្យ​អាម៉ាស់​ស្ទើរ​ងើប​មុខ​មិន​រួច។ នៅ​ពេល​ជួប​គ្រោះ​អាសន្ន​ធ្ងន់​ធ្ងរ​បែប​នេះ បើ​នគរ​ខ្មែរ​រក​បាន​អ្នក​ក្លាហាន​ដែល​មាន​សមត្ថភាព​មហិមា​អាច​ទប់​ភ្នំ​បាក់​បាំង​មេឃ​ជ្រែក​សមុទ្រ​ថែម​ទាំង​ដោះស្រាយ​ចំណោទ​បញ្ហា​កំពុង​ចាក់​ស្រែះ​ក្នុង​អំឡុង​ពេល​តក់​ក្រហល់​នេះ​បាន ច្បាស់​ជា​មាន​សង្ឃឹម​ថា នឹង​មាន​មុខ​មាត់​ក្នុង​ឆាក​ជាតិ និង​អន្តរជាតិ​មិន​ខាន។