ភ្នំពេញ : អំពើ​អបាយមុខ​បី​គឺ​ «ឆ្គួត​ស្រី ឆ្គួត​ស្រា និង​ឆ្គួត​ល្បែង​ពាលា​អាវា​សែ​» គឺ​ជា​ពាក្យ​​ទូន្មាន​របស់​ព្រះ​ពុទ្ធ​ ចំពោះ​ការ​ប្រព្រឹត្ត​របស់​បុរស​ឲ្យ​ចៀស​ឆ្ងាយ​ពី​អបាយ​ទាំង​​បី​​មុខ​នេះ​​ ។​ ពុទ្ធ​ឱវាទ​​នេះ​ ក៏​ត្រូវ​បាន​​ចង​ក្រង​ឲ្យ​ទៅ​ជា​ច្បាប់​ «ប្រុស» គឺ​ដើម្បី​អនុវត្ត​តាម​ធម៌​ព្រះ​ពុទ្ធ​ចំពោះ​ឥរិយាបថ​របស់​បុរស​ ពី​ព្រោះ​កាល​ពី​សម័យ​ដើម​ ស្រុក​យើង​មិន​ទាន់​​​មាន​​ច្បាប់​​បញ្ញត្តិ​​ គ្រប់​គ្រាន់​ទេ​ គឺ​មាន​តែ​ច្បាប់​សម្រាប់​អប់រំ​មនុស្ស​ទេ​ ដូច​ជា​ច្បាប់​ប្រុស​ ច្បាប់​ស្រី​​ជា​ដើម​។