សព្វ​ថ្ងៃនេះ​យើង​សង្កេត​ឃើញ​ថា​ខ្មែរ​ចូលចិត្ដ​និយាយ​ថា​ខ្លួន​ស្រឡាញ់​អំពើ​ល្អ​ប៉ុន្តែ​គេ​បែរ​ជា​នៅ​តែ​គាំទ្រ​អំពើ​អាក្រក់​ទៅ​វិញ។ ដើម្បី​អាច​និយាយ​ថា​មនុស្ស​ណា​ម្នាក់​ស្រឡាញ់​អំពើ​ល្អ​ទៅ​បាន​លុះត្រា​ណា​តែ​គេ​បាន​បំពេញ​លក្ខខណ្ឌ​ចំនួន​ប្រាំ​គឺ​ស្គាល់​អំពើ​ល្អ ប្រព្រឹត្ដ​តែ​អំពើ​ល្អ​ ដាំ​បណ្ដុះ​អំពើ​ល្អ​ណា​ដែល​ខ្លួន​មិន​ទាន់​មាន​ការពារ​អំពើ​ល្អ​មិន​ឲ្យ​មាន​ការ​ជាន់ឈ្លី​ និង​ពង្រីក​អំពើ​ល្អ​ឲ្យ​ពលរដ្ឋ​ដទៃ​បាន​ស្រឡាញ់​អំពើ​ល្អ​ដែរ។