មិន​ខុស​គ្នា​កាលពី ៥០ ឆ្នាំ​មុន​ទេ​ពេល​នោះ​ពិភពលោក​ដណ្តើម​ដី​ប្រជែង​​មនោគមន៍​វិជ្ជា​គ្នា ពេល​នេះ ២០១៥ ការ​​ត្រឡប់​មក​កាន់​តំបន់​ អាស៊ី-ប៉ាស៊ីហ្វិក ​វិញ​របស់​អាមេរិកាំង​ប្រដេញ​ឥទ្ធិពល​ចិន និង​ការពារ​សណ្តាប់ធ្នាប់​ពិភពលោក​បាន​កំពុង​ធ្វើឲ្យ​ប្រទេស​ខ្លះ​យំ ប្រទេស​ខ្លះ​សើច ហើយ​ប្រទេស​ខ្លះ​ទៀត​ចង់​យំ​មិន​​ចេញ ចង់​សើច​ក៏​មិន​កើត។ ប្រទេស​​ដែល​យំ​គឺ​បណ្តា​ប្រទេស​ដែល​ស្អប់​សង្គ្រាម តែ​មិន​ព្រម​ត្រៀម​សង្គ្រាម។ ប្រទេស​ដែល​សើច គឺ​បណ្តា​រដ្ឋ​ដែល​ស្អប់​សង្គ្រាម​តែ​រៀបចំ​ខ្លួន​ទទួល​សង្គ្រាម។