កាល ខែ​មិថុនា ពលករ​ចំណាក​ស្រុក​កម្ពុជា​ជាង ២៥ ម៉ឺន​នាក់​បាន​វិល​ត្រឡប់​មក​ពី ប្រទេស​ថៃ វិញ​តាម​ព្រំ​ដែន​ប៉ោយប៉ែត បន្ទាប់​ពី​មាន​ការ​បង្ក្រាប​របស់​អាជ្ញាធរ​ថៃ ទៅ​លើ​ពលករ​ចំណាក​ស្រុក​ខុស​ច្បាប់។ គេ​ប៉ាន់​ប្រមាណ​ថា ពលករ​ចំណាក​ស្រុក ៤០ ភាគរយ​ក្នុង​ចំណោម​ពលករ​ចំណាក​ស្រុក​ដែល​វិល​ត្រឡប់​មក​វិញ​ទាំង​នោះ​គឺជា​ស្រ្តី។ ការ​វិល​ត្រឡប់​ដ៏​ច្រើន​នៃ​ពលករ​ចំណាក​ស្រុក ដែល​មិន​មាន​ឯកសារ​ត្រឹម​ត្រូវ​បាន​ផ្តល់​នូវ​មេ​រៀន​មួយ ចំពោះ​ការ​ចំណាក​ស្រុក​ខុស​ច្បាប់​របស់​ស្រ្តី​កម្ពុជា និង​ជម្រើស​ដែល​ស្រ្តី​ទាំង​នេះ​ជ្រើសរើស។