បន្ទាប់​ពី​មាន​ការ​ផ្លាស់ប្តូរ​ការ​រស់នៅ​ពី​សង្គម​និយម​មក​មូលធន​និយម​តាំងពី​ដើម​ទសវត្សរ៍​ឆ្នាំ​ ១៩៩០ មក​ធ្វើឲ្យ​ពលរដ្ឋ​ខ្មែរ​ម្នាក់ៗ​ចេះ​តែ​ចង់​មាន​ចង់​បាន​តាម​វិធីសាស្ត្រ​ខុសៗ​គ្នា​ធ្វើ​យ៉ាងណា​ដើម្បី​ឲ្យ​ខ្លួន​មាន​ភាព​ហ៊ឺហា​ទាន់​សម័យ​នឹង​គេ​បើ​ទោះបី​ជា​ទ្រព្យ​នោះ​ខ្លះ​បាន​មក​ដោយ​ទុច្ចរិត​តាមរយៈ​កិបកេង​ ពុករលួយ បោកប្រាស់​គេ ឬ​ក៏​លួច​ឆក់​ប្លន់​គេ​ក៏ដោយ​។​ ជាពិសេស​គឺ​ក្រុម​យុវជន​ដែល​មាន​ទម្លាប់​ចាយ​លុយ​ធំ​ហើយ​គ្មាន​ការងារ​ធ្វើ​គឺ​អំពើ​អបាយមុខ​នឹង​ធ្លាក់​មកលើ​ពួកគេ​ភ្លាមៗ​ដូចជា​ការ​លួច​ និង​​ឆក់​ទូរស័ព្ទ កាបូប ​និង​ខ្សែក ដែល​ជា​លក្ខណៈ​បន្ទាន់ៗ​ដើម្បី​​បំពេញ​តម្រូវ​ការ​សប្បាយ​ប្រចាំ​ថ្ងៃ​។