គ្មាន​ទេ​រាជការ​ពុករលួយ​មាន​តែ​មនុស្ស​ពុករលួយ​ក្នុង​រាជការ។ គ្មាន​រាជការ​ណា​ស្អាតស្អំ​ដោយ​ខ្លួនឯង​ទេ​បើ​មិន​មាន​មនុស្ស​អ្នក​ដុសខាត់។ កសាង​រាជការ​ស្អាតស្អំ​ត្រូវ​ការ​ធនធាន​ ត្រូវការ​មនុស្ស​ ត្រូវការ​ផែនការ​ជាតិ​ និង​ត្រូវការ​ច្បាប់​ថ្មី។ តែ​ក្នុង​ចំណោម​របស់​ទាំង​បួន​នេះ​គឺ​មនុស្ស​ជា​ចំណុច​ចាប់ផ្តើម។ យក​មនុស្ស​បង្កើត​ផែនការ​ជាតិ។ យក​ផែនការ​ជាតិ​បង្កើត​ទ្រព្យ​ជាតិ។ យក​ទ្រព្យ​ជាតិ​កសាង​ជាតិ។ កសាង​ជាតិ​គ្រប់គ្រង​ជាតិ​គឺ​ត្រូវការ​ច្បាប់​ថ្មី។ ចង់​បាន​ច្បាប់​ថ្មី​ត្រូវការ​មនុស្ស​ថ្មី។