ជា​គោល​ការណ៍​ក្នុង​រដ្ឋ​ធម្មនុញ្ញ​កម្ពុជា ឆ្នាំ​១៩៩៣ ជា​ច្បាប់​កំពូល​មួយ ដែល​មាន​ធាតុ​ច្បាប់​ទំនើប ដូច​ជា ការ​បែង​ចែក​អំណាច​សាធារណៈ​កំពូល ក្នុង​មាត្រា ៥១ ការ​គោរព​សិទ្ធិ​មនុស្ស (សិទ្ធិ​ពលរដ្ឋ សិទ្ធិ​នយោបាយ សិទ្ធិ​សេដ្ឋកិច្ច និង​សេរីភាព​សាសនា​ជាដើម) និង​គោល​នីតិរដ្ឋ ដែល​សភា​ធ្វើ​ច្បាប់ ហើយ​តុលាការ​ចាំ​កាត់​សេចក្តី។ សំណួរ​ចោទ​ឡើង​ថា ប្រសិន​បើ​កម្ពុជា មាន​រដ្ឋ​ធម្មនុញ្ញ​ដែល​ល្អ ហេតុ​អ្វី​ក៏​កម្ពុជា​មាន​បញ្ហា​រំលោភ​សិទ្ធិ​អំណាច និង​ការ​បំពាន​សិទ្ធិ​មនុស្ស​ច្រើន​ម៉្លេះ?