វា​ហាក់​ដូច​ជា​ហួស​សម័យ​បន្តិច​ទៅ​ហើយ នៅ​ពេល​ដែល​អ្វីៗ ត្រូវ​បាន​គេ​លើក​យក​មក​ទម្លាក់​កំហុស​ដោយសារ​តែ​សង្គ្រាម ឬក៏​របប ប៉ុល​ ពត​ដដែល​ៗ​នោះ។ ដូចជា​ឥរិយាបថ​របស់​ប្រជាពលរដ្ឋ​ដែល​លក់​ដូរ ផឹក​ស៊ី និង​ចត​កម្សាន្ត​នៅ​លើ​ស្ពាន​អ្នក​លឿង​ថ្មី (ត្សឹបាសា) ដែល​ទើប​តែ​សម្ពោធ​កាល​ពី​សប្តាហ៍​មុន​នេះ​ជា​ដើម គឺ​មិន​មែន​មក​ពី​សង្គ្រាម​នោះ​ទេ គឺ​មក​ពី​ជំងឺ​អួត​ដាក់​គ្នា​រឿង​ផឹកស៊ី កុំឲ្យ​តែ​មាន​កន្លែង​រាង​ទំនង​បន្តិច​តាំង​មាន​អ្នក​ចត មាន​អ្នក​លក់​ដូរ​ មាន​អ្នក​អង្គុយ​ដំ​កង់​ផឹក​ស៊ី​ភ្លាម​ដោយ​មិន​គិត​ពី​សុវត្ថិភាព​ ឬក៏​បញ្ហា​ដែល​អាច​កើត​មាន​ប៉ះ​ពាល់​សិទ្ធិ​អ្នក​ដទៃ​ទេ។