ភ្នំពេញ : មាន​ចម្រៀង​ពេញ​និយម​របស់​ខ្មែរ​មួយ​បទ​ បាន​ច្រៀង​ថា «ទៅ​ហើយ​មក​វិញៗ...»។​ ប៉ុន្តែ​បើ​តាម​ការ​ស្រាវ​ជ្រា​វ និង​អង្កេត​របស់​ខ្ញុំ ​មាន​និស្សិត​ខ្មែរ​រាប់​សិប​នាក់​បាន​គេច ​និង​លាក់​ខ្លួន​សម្ងំ​នៅ​បរទេស​ខុស​ច្បាប់​ «មិន​ត្រឡប់​មក​ស្រុក​ខ្មែរ​វិញ» ក្រោយ​​បញ្ចប់​អាហារូ​បករណ៍ ដែល​ផ្តល់​ជូន​ដោយ​ប្រទេស​ផ្តល់​ជំនួយ​តាម​រយៈ​រាជ​រដ្ឋាភិបាល​កម្ពុជា​ដូច​បទ​ចម្រៀង​ឡើយ​។ នេះ​ជា​ក្តី​បារម្ភ​ចំពោះ​បញ្ហា​ធន​ធាន​មនុស្ស​នៅ​កម្ពុជា​​។