រឿង​ស្ទះ​ចរាចរណ៍​នៅ​ភ្នំពេញ​ក៏​ដូច​បណ្ដា​ខេត្ត​ឥឡូវ​ធ្វើ​ឲ្យ​អ្នក​បើកបរ​ត្អូញត្អែរ ​និង​កាន់តែ​ធុញ​ទ្រាន់​ទៅៗ​ហើយ​ក៏​មាន​ការ​បន្ទោស​គ្នា​ទៅ​វិញ​ទៅ​មក​ដូចជា​ខ្លះ​ថា​មកពី​ម៉ូតូ​បើក​ចូល​ក្នុង​បន្ទាត់​ខណ្ឌ​បែងចែក​ផ្លូវ​ហៅ​ថា​ឡេន (Lane) ​របស់​ឡាន អ្នក​ម៉ូតូ​ថា​ឡាន​ឥឡូវ​មក​ដណ្តើម​ឡេន​ម៉ូតូ​ធ្វើឲ្យ​អ្នក​បើក​ម៉ូតូ​ឡើង​លើ​ចិញ្ចើម​ផ្លូវ រីឯ​អ្នក​បើក​កង់បី​ក៏​ចេះ​តែ​បើក​ចូល​កន្លែង​ណា​ក៏​ដោយ​ឲ្យ​តែ​ទំនេរ​ចេះ​តែ​ចូល​ហើយ រីឯ​ខ្លះ​ទៀត​បន្ទោស​ការ​ចត​រថយន្ត​នៅ​លើ​ផ្លូវ​ចូល​ហាង​ ឬ​ក៏​លក់ដូរ​ចូល​ទ្រូង​ផ្លូវ​ថ្នល់​ ឬ​ក៏​យក​ចំណី​ផ្លូវ​ធ្វើ​រោងការ ធ្វើ​រោង​ខួបកំណើត ខួប​អាពាហ៍ពិពាហ៍​របស់​អ្នកធំ ឧកញ៉ាៗ ឬ​ពិធី​បុណ្យ​ផ្សេងៗ​ដែល​បណ្តាល​ឲ្យ​ស្ទះ​ចរាចរណ៍​ផង​ដែរ​​។