ពោធិ៍សាត់ៈ មន្ត្រី​នគរបាល​មូលដ្ឋាន​បាន​ឲ្យ​ដឹង​​ថា​កម្មករ​ស៊ី​ឈ្នួល​ដាំ​ដំឡូងមី​ម្នាក់​នៃ​ក្រុមហ៊ុន​ភាពីម៉ិច​បាន​ស្លាប់​ភ្លាមៗ​នៅ​នឹង​កន្លែង​បន្ទាប់ពី​អ្នក​បើក​អេស្កាវ៉ាទ័រ​បាន​ធ្វើការ​កាយ​ដី​ព្រៃ​ដំបូក​​តូច​មួយ​ដើម្បី​ពង្រាប​ផ្ទៃដី​ដាំដុះ​ក៏​ប៉ះ​ត្រូវ​ចំ​ក្បាល​ និង​ទ្រូង​របស់​គាត់​ដែល​​កំពុង​ដេក​លេង​លើ​អង្រឹង​នៅ​ក្បែរ​នោះ។ ហេតុការណ៍​នេះ​បាន​កើតឡើង​កាលពី​ព្រឹក​ថ្ងៃ​ចន្ទ​នៅ​ចំណុច​ដូន​ឥដ្ឋ​ស្ថិត​ក្នុង​ភូមិ​សាយ ឃុំ​ត្រងិល ស្រុក​ភ្នំក្រវាញ ខេត្ត​ពោធិ៍សាត់។