Search form

Login - Register | FOLLOW US ON

Logo of Phnom Penh Post newspaper Phnom Penh Post - ក្មេង​ជំទង់​ ៥ ​នាក់​ត្រូវ​បាន​តុលាការ​ចោទ​ពី​បទ​រំលោភ

ក្មេង​ជំទង់​ ៥ ​នាក់​ត្រូវ​បាន​តុលាការ​ចោទ​ពី​បទ​រំលោភ

បាត់ដំបងៈ ​មន្ត្រី​តុលាការ​បាន​ឱ្យ​ដឹង​ថា​មនុស្ស​ ៥ ​នាក់​ត្រូវ​បាន​សាលា​ដំបូង​ខេត្ត​បាត់ដំបង​ចោទប្រកាន់​កាលពី​ព្រឹក​ម្សិលមិញ​ពី​បទ​ចាប់​រំលោភ​លើ​ក្មេងស្រី​អាយុ​ ១៤ ​ឆ្នាំ​ម្នាក់​ប្រព្រឹត្ត​កាលពី​ថ្ងៃ​ ២៩ សីហា​។

លោក​ សេង ផានិត អ្នក​នាំពាក្យ​របស់​ព្រះរាជអាជ្ញា​បាន​ថ្លែង​ថា​ជន​ទាំង​ ៥ ​នាក់​នោះ​រួម​មាន​ឈ្មោះ ស៊ុម រដ្ឋា អាយុ​ ១៩ ឆ្នាំ​ឈ្មោះ រុន វីនុត អាយុ​ ២៣ ​ឆ្នាំ​ឈ្មោះ​ ហ៊ិន ឡង់ឌី អាយុ​ ២២ ​ឆ្នាំ​ឈ្មោះ​ ម៉ី រ៉ូហ្សា អាយុ​ ១៥ ​ឆ្នាំ និង​ឈ្មោះ​ ជូប ហ្វារីត អាយុ​ ១៧ ​ឆ្នាំ​។ ​ពួកគេ​ទាំង​នោះ​រស់នៅ​ភូមិ​ព្រែកតាច្រែង ឃុំ​ព្រែកនរិន្ទ ស្រុក​ឯកភ្នំ ។

លោក​ថា​៖ «​ជនជាប់ចោទ​ទាំង​ ៥ ​នាក់​នេះ​ត្រូវ​បាន​តុលាការ​ចោទប្រកាន់​នៅ​ព្រឹក​មិញ​នេះ​ហើយ​បាន​បញ្ជូន​ទៅ​ចៅក្រម​ស៊ើបអង្កេត​ដើម្បី​សួរ​បន្ថែម​»​។

លោក​ ឡុង យុទ្ធាវីរៈ អធិការ​នគរបាល​ស្រុក​ឯកភ្នំ​បាន​ថ្លែង​ថា​ពួកគេ​ត្រូវ​បាន​ចាប់​ខ្លួន​កាលពី​ថ្ងៃ​ ២ ​កញ្ញា​នៅ​ឃុំ​ព្រែកនរិន្ទ​ដោយ​សហការ​ជាមួយ​សមត្ថកិច្ច​ឃុំ​បន្ទាប់ពី​មាន​បណ្តឹង​ពី​ឪពុកម្តាយ​ជនរងគ្រោះ​ថា​បាត់​កូនស្រី​ពី​ផ្ទះ​ ២ ​ថ្ងៃ​។ លោក​ថា​ពួកគេ​បាន​សារភាព​ថា​ពិតជា​បាន​ប្រព្រឹត្ត​ពិតប្រាកដ​មែន​។

លោក​បាន​បញ្ជាក់​ថា​៖ « យើង​បាន​ទទួល​ពាក្យ​បណ្តឹង​ពី​ឪពុកម្តាយ​ជនរងគ្រោះ​ថា​កូន​របស់​ពួកគេ​បាន​ប្រើប្រាស់​គ្រឿងញៀន​មិន​បាន​ប្តឹង​អំពី​ករណី​រំលោភ​ទេ ប៉ុន្តែ​ឪពុកម្តាយ​ឃើញ​កូន​ស្លេកស្លាំង​ក៏​ជជីក​សួរ​ទើប​នាង​ព្រម​ឆ្លើយ​ថា​ពិត​ជា​ត្រូវ​បាន​ជន​ទាំង​ ៥ ​នាក់​ចាប់​រំលោភ​មែន​...​ហើយ​យុវជន​ទាំង​ ៥ ​នាក់​ក៏​បាន​សារភាព​ថា​ពួកគេ​បាន​រំលោភ​នាង​ម្នាក់ ម្តងៗ​...​។ ពួកគេ​នៅ​ក្មេង​ណាស់ យើង​មិន​គិត​ថា​ពួកគេ​ប្រព្រឹត្ត​ទង្វើ​បែប​នេះ​ទេ​»​។

លោក​បាន​បន្ត​ថា​ករណី​នេះ​ដំបូង​គឺ​ជនល្មើស​ឈ្មោះ​ ឡង់ឌី បាន​ហៅ​នាង​ទៅ​ផ្ទះ​ខ្លួន​កាលពី​ថ្ងៃ​ទី​ ២៩ ខែ​សីហា​ហើយ​បាន​ហៅ​មិត្តភក្តិ​ទៅ​បន្ថែម​ទៀត​ដើម្បី​ចាប់​រំលោភ​នៅ​ពេល​យប់​៕ NS

0

Comments

Please, login or register to post a comment