Search form

Login - Register | FOLLOW US ON

Logo of Phnom Penh Post newspaper Phnom Penh Post - ចាប់​បាន​បក្ខ​ពួក មេ​ខ្លោង​ជួញ​ដូរ​គ្រឿង​ញៀន​​ជាង​ ៥០​គីឡូ

Content image - Phnom Penh Post
ថ្នាំញៀន​ដែល​សមត្ថកិច្ច​រឹប​អូស​បាន។ រូបថត សហការី

ចាប់​បាន​បក្ខ​ពួក មេ​ខ្លោង​ជួញ​ដូរ​គ្រឿង​ញៀន​​ជាង​ ៥០​គីឡូ

ភ្នំពេញៈ នាយក​ដ្ឋាន​ប្រយុទ្ធ​ប្រឆាំង​គ្រឿង​ញៀន​ក្រសួង​មហា​ផ្ទៃ​បាន​ចាប់​ខ្លួន​និង​បញ្ជួន​បុរស​ម្នាក់​ទៅ​ពន្ធនាគារ ដែល​បុរស​នេះ​ជា​បក្ខ​ពួក​របស់​មេ​ខ្លោង​ជួញ​ដូរ​គ្រឿង​ញៀន​ជាង​ ៥០ ​គីឡូ​ក្រាម​ដែល​អាជ្ញាធរ​ឆ្មក់​បង្ក្រាប​បាន​​នៅ​ខណ្ឌ​សែន​សុខ ​កាល​ពី​ខែ​ឧសភា​កន្លង​ទៅ។

លោក​ ម៉ក់ ជីតូ អគ្គ​ស្នង​ការ​រង​នគរបាល​ជាតិ​ទទួល​ផែន​មន្ទីរ​ប្រយុទ្ធ​ប្រឆាំង​គ្រឿង​ញៀន កាល​​​ពី​ម្សិល​មិញ​បាន​ឲ្យ​ដឹង​ថា​ មន្ត្រី​របស់​លោក​និង​អាជ្ញាធរ​ខេត្ត​ ស្ទឹងត្រែង បាន​ចាប់​ខ្លួន​បុរស​ម្នាក់​ឈ្មោះ​ ថងវ៉ាង ​ដែល​ជា​អ្នក​បើកបរ​រថយន្ត​ឈ្នួល​មាន​អាយុ​ ៣៦ ​ឆ្នាំ​ កាល​ពី​ថ្ងៃ​អង្គារ​ពាក់​ព័ន្ធ​ការ​ដឹក​ជញ្ជូន​គ្រឿង​ញៀន​ទៅ​ឲ្យ​មេក្លោង​ ហើយ​គាត់​ត្រូវ​បាន​បញ្ជូន​ទៅ​ពន្ធនាគារ​នៅ​ថ្ងៃ​ពុធ។

លោក​មាន​ប្រសាសន៍​ថា៖ «យើង​បាន​ចាប់​ខ្លួន​គាត់​កាល​ពី​ថ្ងៃ​អង្គារ​ជាប់​ពាក់​ព័ន្ធ​ការ​ដឹក​ជញ្ជួន​គ្រឿង​ញៀន​ពី​ខេត្ត​ ស្ទឹងត្រែង ​ទៅ​កាន់​រាជធានី​ភ្នំពេញ……យើង​បាន​ចាប់​ខ្លួន​គាត់​នៅ​ខេត្ត​ស្ទឹងត្រែង និង​បាន​បញ្ជូន​​ទៅ​ពន្ធនាគារ​កាល​ពី​ម្សិល​មិញ»។

លោក ម៉ក់ ​ជីតូ ​ក៏​បាន​បញ្ជាក់​ផង​ដែរ​ថា​ ថ្នាំ​ញៀន​ទាំង​នោះ​មាន​ ដូចជា​ មេតំហ្វេ​តាមីន​ម៉ាទឹកកក និង​ហេរ៉ូអ៊ីន​តិច​តួច​ប៉ុណ្ណោះ​។

យោង​តាម​ សាល​ដីកា ​បង្គាប់​ឲ្យ​ឃុំ​ខ្លួន​របស់​សាលា​ដំបូង​រាជធានី​ភ្នំពេញ​ចុះ​ថ្ងៃ​ទី​ ១៦ ​ខែ​សីហា ​ដែល​ចុះ​ហត្ថលេខា​ដោយ​ចៅក្រម​ស៊ើប​សួរ​សាលា​ដំបូង​រាជធានី​ភ្នំពេញ​ លោក ធាម ចាន់​ពិសិដ្ឋ ​បាន​​បង្គាប់​ឱ្យ​អាជ្ញាធរ​នាំ​ខ្លួន​មេក្លោង​ជួញ​ដូរ​ គ្រឿង​ ញៀន​ ឈ្មោះ​ថោង​វ៉ាង​អាយុ​ ៣៦ ​ឆ្នាំ​ទៅ​ពន្ធនាគារ។

សាល​ដីកា​នោះ​បាន​បញ្ជាក់​ថា​៖ «ជន​នេះ​ត្រូវ​បាន​ដាក់​ឲ្យ​ស្ថិត​នៅ​ក្រោម​ការពិនិត្យ​ពី​បទ​ជួញ​ដូរ​និង​រក្សា​ទុក​ដោយ​ខុស​ច្បាប់​នូវ​សារ​ធាតុ​ញៀន តាម​មាត្រា​ ៤០ ​នៃ​ច្បាប់​ស្តី​ពី​ការ​ត្រួត​ពិនិត្យ​គ្រឿង​ញៀន ប្រព្រឹត្តិ​ទៅ​ នៅ​សង្កាត់​ផ្សារ​ថ្មី ១ ខណ្ឌ​ដូន​ពេញ​ រាជ​ធានី​ភ្នំពេញ​ កាល​ពី​ថ្ងៃ​ទី​ ១៧​ ខែ​ឧសភា​ ឆ្នាំ​ ២០១៧»។

កាល​ពី​ខែ​ឧសភា​កន្លង​ទៅ​នាយក​ដ្ឋា​ន​ប្រឆាំង​គ្រឿង​ញៀន​នៃ​ក្រសួង​មហា​ផ្ទៃ​បាន​ចាប់​ខ្លួន​បុរស​​ម្នាក់​ពី​បទ​ជួញ​ដូរ​គ្រឿង​ញៀន​នៅ​ក្នុង​ការ​វាយ​ឆ្មក់​មួយ​ដែល​រឹប​អូស​បាន​ថ្នាំ​ញៀន​ប្រមាណ​៥០ គីឡូ​ក្រាម​នៅ​ក្នុង​ខណ្ឌ​សែន​សុខ​រាជ​ធានី​ភ្នំពេញ​បន្ទាប់​ពី​កម្លាំង​សមត្ថកិច្ច​បាន​ចាប់​ខ្លួន​បុរស​ម្នាក់​នៅ​សង្កាត់​ ភ្នំពេញ​ថ្មី ​នៅ​វេលា​ម៉ោង​ប្រហែល​ ១១ ​យប់។

បន្ទាប់​ពី​ការ​សារ​ភាព​របស់​ជន​សង្ស័យ​ថា​ ជា​ម្ចាស់​​នោះ ​កម្លាំង​សមត្ថកិច្ច​បាន​ឆ្មក់​ចូល​ផ្ទះ​មួយ​នៅ​ក្បែរ​នោះ​ដែល​ជន​សង្ស័យ​បាន​កំណត់​ថា ជា​កន្លែង​លាក់​ទុក​គ្រឿង​ញៀន៕NS

0

Comments

Please, login or register to post a comment

ព័ត៌មានពាក់ព័ន្ធ