ភ្នំពេញៈ ចៅក្រម​ស៊ើបសួរ​នៃ​សាលា​ដំបូង​រាជធានី លោក លី សុខលេង នៅ​ព្រឹក​ថ្ងៃ​ចន្ទ​បាន​កោះ​ហៅ ជនជាប់ចោទ​ឈ្មោះ សៀង វាសនា អង្គរក្ស​ឧកញ៉ា ថោង សារ៉ាត់ មក​សាកសួរ បន្ទាប់ពី សមត្ថកិច្ច​សង្ស័យ​ជាជនដៃ​ដល់​បាញ់​សម្លាប់​ឧកញ៉ា អ៊ឹង ម៉េងជឺ ថៅកែ​ក្រុមហ៊ុន​ស៊ីម៉ងត៍​ត្បូងពេជ្រ​និង​ជា​ប្រធាន​ក្រុមហ៊ុន Shimmex Group កាលពី​ព្រលប់​ថ្ងៃ​ទី​២២ ខែ​វិច្ឆិកា ឆ្នាំ​២០១៤ នៅ​មុខ​ហាង​លក់​ផ្លែឈើ​ឡោតិចសេង ក្នុង​សង្កាត់​ទួលស្វាយព្រៃ​ទី​២ ខណ្ឌ ចំការមន រាជធានី​ភ្នំពេញ​។