តាកែវៈ មន្ត្រី​នគរបាល​ស្រុក​សំរោង​បាន​ឲ្យ​ដឹង​កាល​ពីម្សិល​មិញ​ថា សង្ឃ​កំហូច​មួយ​អង្គ​បាន​សុគត​ភ្លាមៗ និង​មួយ​អង្គ​ទៀត​ព្រម​ទាំង​សិស្ស​គុន​ម្នាក់​បាន​រង​របួស​ធ្ងន់ នៅ​ក្នុង​គ្រោះថ្នាក់​ចរាចរណ៍​មួយ​កាល​ពី​ម៉ោង ២​រំលង​អាធ្រាត្រ​ឈាន​ចូល​ថ្ងៃ​អង្គារ​បន្ទាប់​ពី​ជិះ​ម៉ូតូ​ទៅ​បុក​ដើម​អាកាស្យា ខណៈ​ត្រឡប់​ពី​លួច​ទៅ​សេព​សុរា​និង​ច្រៀង​ខារ៉ាអូខេ នៅ​ម្ដុំ​ស្ថានីយ​រថភ្លើង នៅ​ក្នុង​ឃុំ​លាយបូរ ស្រុក​ត្រាំកក់ ខេត្ដ​តាកែវ។