Search form

Login - Register | FOLLOW US ON

Logo of Phnom Penh Post newspaper Phnom Penh Post - សាលា​ឧទ្ធរណ៍ ​តម្កល់​ទោស​បុរស​ម្នាក់​ដែល​វ៉ៃ​សម្លាប់​ប្រពន្ធ​ខ្លួនឯង

សាលា​ឧទ្ធរណ៍ ​តម្កល់​ទោស​បុរស​ម្នាក់​ដែល​វ៉ៃ​សម្លាប់​ប្រពន្ធ​ខ្លួនឯង

ភ្នំពេញៈ សាលា​ឧទ្ធរណ៍​កាល​ពី​ម្សិល​មិញ បាន​ប្រកាស​សាល​ដីកា​សម្រេច​តម្កល់​សាលក្រម​របស់​តុលាការ​​ខេត្ត​កណ្តាល​ ឲ្យ​ជន​ជាប់​ចោទ​ម្នាក់​ជាប់​គុក ៧ ឆ្នាំ​ដដែល ពាក់ព័ន្ធ​ការ​វាយ​សម្លាប់​ប្រពន្ធ​នឹង​ញញួរ បន្ទាប់​ពី​​ជំនុំ​ជម្រះ​ពី​ថ្ងៃ​ ៣១ កក្កដា។

លោកស្រី គឹម ដានី ប្រធាន​ក្រុម​ប្រឹក្សា​ជំនុំជម្រះ​ បាន​អាន​សាល​ដីកា នៅ​ចំពោះ​មុខ​ជន​ជាប់ចោទ​ថា សភា​ព្រហ្មទណ្ឌ​សាលា​ឧទ្ធរណ៍​ បាន​សម្រេច​តម្កល់​ទោស ជន​ជាប់​ចោទ​ឈ្មោះ​ សន់ ​សុង​​អាយុ​ ៥០ ឆ្នាំ ៧ ឆ្នាំ​ដដែល។ «រឿងនេះ​ ជន​ជាប់ចោទ​គ្មាន​ចេតនា​ក្នុង​ការ​សម្លាប់​ជន​រងគ្រោះ​​ទេ ហើយ​ជម្លោះ​ក៏​ជា​ការ​បង្ក​ដោយ​ជន​រងគ្រោះ​មុនដែរ»។

តាម​របាយការណ៍​នគរបាល កាលពី​ម៉ោង​ ៧ យប់​ថ្ងៃ​ទី​ ២៦ ខែ​វិច្ឆិកា​ ឆ្នាំ​២០១៥ ជន​ជាប់​​ចោទ​បាន​ទាស់​សម្តី​ជាមួយ​ប្រពន្ធ​​របស់​ខ្លួន។ ពេល​នោះ​ជន​ជាប់​ចោទ​បាន​ទាញ​ញញួរ​ពី​ក្រោម​គ្រែ​ វាយ​ក្បាល​ស្ត្រី​រងគ្រោះ​ ២ ញញួរ​ហើយ​យក​កាំបិត​ចាក់​លើ​ខ្លួន​ បណ្តាល​ឲ្យ​ស្លាប់​ពេល​បញ្ជូន​ដល់​​មន្ទីរពេទ្យ​បង្អែក​ស្រុក​ស្អាង។ ឯ​ជន​ជា​ប់​ចោទ​បាន​ចាក់​ខ្លួនឯង​ជា​ក្រោយ​ប៉ង​ធ្វើ​អត្តឃាត។

សំណុំ​រឿង​នេះ​ត្រូវ​សាលា​ដំបូង​ខេត្ត​កណ្តាល ​ផ្តន្ទាទោស​ដាក់​គុក​ ៧ ឆ្នាំ​ កាល​ពី​ថ្ងៃ​ ១៣ ​ខែ​កក្កដា​ ឆ្នាំ​ ២០១៦ ​ចោទ​ពីបទ​ «ហិង្សា​ដោយ​ចេតនា​មាន​ស្ថាន​ទម្ងន់​ទោស ធ្វើឲ្យ​ជនរង​គ្រោះ​មរណភាព» និង​បង្គាប់​ឲ្យ​សង​ប្រាក់​ទៅ​សាច់​ញាតិ​ស្ត្រី​រងគ្រោះ ២០ លាន​រៀល៕

0

Comments

Please, login or register to post a comment