កោះកុងៈ លោក​វរសេនីយ៍ឯក ឡាយ ម៉េងលាំង ប្រធាន​អង្គភាព​នគរបាល​ព្រហ្មទណ្ឌ​ខេត្ត និង​ជា​ស្នងការរង​នគរបាល​ខេត្តកោះកុង បាន​ឲ្យ​ដឹង​ថា អ្នក​ទោស​បួន​នាក់​បាន​រត់​គេច​ចេញ​ពី​ពន្ធនាគារ​ខេត្ត ​បន្ទាប់​ពី​ឆ្មាំ​ពន្ធនាគារ​អនុញ្ញាត​ឲ្យ​ពួក​គេ​ចេញ​ក្រៅ​ពី​បន្ទប់​ពន្ធនាគារ​ជា​មួយ​អ្នក​ទោស​ជា​ច្រើន​នាក់ដើម្បី​ហាត់​កីឡា និង​ធ្វើ​ការ​ងារ​នៅ​មុខ​ទីធ្លា​ពន្ធនាគារ​កាល​ពី​វេលា​ម៉ោង​ប្រមាណ​ជា​ពីរ​រសៀល​ថ្ងៃ​ព្រហស្បតិ៍​ម្សិលមិញ។