ភ្នំពេញ: មន្ត្រី​នគរបាល​ម្នាក់​បាន​ថ្លែង​មក​កាន់​ភ្នំពេញ​ប៉ុស្តិ៍​នៅ​ថ្ងៃ​ម្សិលមិញ​ថា​មនុស្ស​ពីរ​នាក់​ឪពុក និង​កូន​ត្រូវ​បាន​ឆក់​ខ្សែភ្លើង​ស្លាប់ និង​បុរស​ម្នាក់​ទៀត​បាន​រងរបួស​ដោយ​ដួល​សន្លប់​បាត់​ស្មារតី​គ្រា​ដែល​គាត់​បាន​ព្យាយាម​ចូល​ទៅ​ជួយ​សង្គ្រោះ​ឪពុក​កូន​ទាំង​ពីរ​នោះ​។ ​ហេតុការណ៍​នេះ​បាន​កើតឡើង​នៅ​រសៀល​ថ្ងៃ​សៅរ៍​ស្ថិត​ក្នុង​ភូមិ​ក្រឡោមភ្លុក ឃុំ​ព្រៃស្វាយ ស្រុក​មោងប្ញស្សី ខេត្ត​បាត់ដំបង​។