.jpg)
ការងោកនិងគេងនៅពេលថ្ងៃដើម្បីបង្គ្រប់ម៉ោងដំណេក អាចមិនល្អដល់សុខភាព។
ក្រុងញូវយ៉ក: ការសិក្សាថ្មីមួយបានព្រមានថា ការងោកហើយគេងថ្ងៃពេលធ្វើការអាចជាសញ្ញាបឋមនៃជំងឺវង្វេង។
អ្នកដែលចូលចិត្ដគេងមុនម៉ោងពេលទោះជាដំណេកគ្រប់គ្រាន់ក្ដី អាចជាសញ្ញានៃជំងឺអំឡុងពេលខួរក្បាលកំពុងដំណើរការ។
ជំងឺវង្វេង ដែលជាមច្ចុរាជទី ៦ ចំពោះមនុស្សពេញវ័យនៅសហរដ្ឋអាមេរិក ពិបាកនឹងរករោគវិនិច្ឆ័យមុនណាស់ពីព្រោះវាមិនបង្ហាញសញ្ញារហូតដល់វ័យជ្រេ។
អ្នកនិពន្ធជាន់ខ្ពស់ វេជ្ជបណ្ឌិត Yo-El Ju មកពីសាកលវិទ្យាល័យវ៉ាស៊ីនតោន បានថ្លែងថា៖ «យើងបានរកឃើញ អ្នកកើតរោគវង្វេងមានភាពសាំញ៉ាំជាច្រើនក្នុងគំរូសកម្មភាពដំណេក និងភ្ញាក់ ដោយបង្ហាញអាការងងុយដេកខ្លាំងអំឡុងពេលថ្ងៃ និងអត់ងងុយនៅពេលរាត្រី»។
រោគសញ្ញាជំងឺវង្វេង ដែលរួមទាំងអសមត្ថភាពក្នុងការចងចាំ និងភ្លេចភ្លាំង តែងតែមិនបង្ហាញអាការឲ្យឃើញរហូតដល់មនុស្សមានអាយុ ៦០ ឆ្នាំ។ នេះបើយោងតាមមជ្ឈមណ្ឌលគ្រប់គ្រង និងទប់ស្កាត់ជំងឺ។
ការសិក្សាកន្លងមក បានភ្ជាប់ទំនាក់ទំនងរវាងដំណេកទៅនឹងដំណើរវិវឌ្ឍន៍នៃជំងឺវង្វេង។ យ៉ាងណាមិញ ការសិក្សាបច្ចុប្បន្ន មិនត្រឹមតែផ្ដោតលើបញ្ហាកង្វះដំណេកនោះទេ ថែមទាំងរបៀបនៃដំណេកផងដែរ។
វេជ្ជបណ្ឌិត Erik Musiek មកពីសាកលវិទ្យាល័យវ៉ាស៊ីនតោន បានបញ្ជាក់ផងដែរថា៖ «ដំណេករយៈពេល ៨ ម៉ោងនាពេលរាត្រី ពិតជាខុសប្លែកឆ្ងាយពីដំណេក ៨ ម៉ោង ដោយការគេងសងបូកបន្ថែមមួយម៉ោងៗអំឡុងពេលគេងថ្ងៃជាច្រើនថ្ងៃ»៕HR
