.jpg)
ការវះកាត់កែកុនទ្វារមាស មានការកើនឡើងខ្លាំងនៅប៉ុន្មានឆ្នាំនេះ។
ក្រុងញូវយ៉ក: តួលេខថ្មីមួយបានបង្ហាញថា ការនិយមវះកាត់ «រចនាយោនី» បានកើនឡើងជិត ៥០ ភាគរយលើរយៈពេលមួយឆ្នាំ។
តួលេខឧស្សាហកម្មបានបង្ហាញកំណើន ៤៥ ភាគរយក្នុងការវះកាត់កែកុនស្រទាប់ក្លែបយោនី ដែលជាការកាត់ក្លែប បបូរក្រោមឲ្យស្អាត ដូចតុក្កតាកូនក្រមុំជ័រ។
គ្លីនិកឈានមុខក្នុងវិស័យវះកាត់ប្លាស្ទិក បានឲ្យដឹងថា ការវះកាត់យោនីជានីតិវិធីពេញនិយមបំផុតមួយ។ វេជ្ជបណ្ឌិតរ៉េណាតូសាល់ អគ្គនាយក International Society of Aesthetic Plastic Surgery (ISAPS) បានប្រាប់ AFP ថា ការធ្វើយុវកម្មយោនីគឺជាទំនោរថ្មី។
ការចំណាយលើសម្ភារ និងផលិតផលប្រើលើចុងសុដន់ ក្បាលពោះ និងភ្លៅខ្លាញ់ រំពឹងថានឹងកើនឡើង ៩ ភាគរយទៀត។ ចំពោះតួលេខពី IMCAS វេជ្ជបណ្ឌិតសាល់ បានបន្ថែមថា នីតិវិធីកំពុងតែពេញនិយមឆាប់រហ័ស គឺការវះកាត់កែកុនយោនីដែលស្ដ្រី ១០ ម៉ឺននាក់បានធ្វើក្នុងឆ្នាំ ២០១៥។
កុនអាសអាភាសគឺជាដើមចមនាំឲ្យស្ដ្រីរាប់ពាន់នាក់ប្រាថ្នាសម្រស់យោនីក្រោមផ្លែកាំបិត ដែលបានកើនឡើងនាពេលថ្មីៗនេះ។
សណ្ឋានផ្សេងៗនៃទម្រង់កេរ្តិ៍ខ្មាស់របស់ស្ត្រី ដែលត្រូវបានអ្នកជំនាញធ្វើជាពុម្ពគំរូបង្ហាញ។
អាស៊ីគឺជាទីផ្សារកំពុងស្ទុះឡើង និងរំពឹងថាវានឹងច្រើនជាងអឺរ៉ុបជាលើកដំបូងក្នុងឆ្នាំ ២០១៨ ក្នុងលក្ខខណ្ឌនៃការចំណាយលើការវះកាត់កែសម្ផស្ស។
ប្រាក់ជាង ១៥ ពាន់លានដុល្លារ ត្រូវបានចំណាយលើនីតិវិធីកែសម្ផស្សពីសំណាក់អតិថិជនក្នុងឆ្នាំ ២០១៦ ជាការកើនឡើងចំនួន ១១ ភាគរយពីឆ្នាំចាស់។
ប្រទេសកំពូលទាំង ៥ ដែលមាន សហរដ្ឋអាមេរិក ប្រេស៊ីល ជប៉ុន អ៊ីតាលី និងម៉ិកស៊ិក សម្បូរអ្នកវះកាត់កែសម្ផស្សបែបសិប្បនិម្មិតច្រើនជាងគេ។
ការវះកាត់ពង្រីកសុដន់ នៅតែពេញនិយមជាងគេក្នុងឆ្នាំ ២០១៦ ដែលមានចំនួន ១៦ ភាគរយក្នុងចំណោមការវះកាត់កែសម្ផស្សទាំងអស់។ បន្ទាប់មក ការវះកាត់បូមខ្លាញ់ ១៤ ភាគរយ វះកាត់ត្របកភ្នែក ១៣ ភាគរយ និងកែកុនច្រមុះ ប្រមាណជិត ៨ ភាគរយ។
ផ្ទុយទៅវិញការវះកាត់ពង្រីកលិង្គត្រូវបានគេរាយការណ៍ថាជានីតិវិធីមិនសូវពេញនិយមជាងគេក្នុងឆ្នាំ ២០១៦ ហើយវាមានការធ្លាក់ចុះរហូតដល់ ២៨ ភាគរយ៕HR
