Search form

Login - Register | FOLLOW US ON

Logo of Phnom Penh Post newspaper Phnom Penh Post - ការ​ស្ទាបអង្អែល​បែប​ចំណង់ អាច​នាំ​ឲ្យ​ក្មេងស្រី​ឆាប់​ពេញវ័យ

Content image - Phnom Penh Post
ការ​ស្ទាបអង្អែល​បែប​ផ្លូវ​ភេទ​ត្រូវ​បាន​គេ​រកឃើញ​ថា ​ធ្វើឲ្យ​ក្មេង​ស្រី​ឆាប់​ពេញវ័យ​។

ការ​ស្ទាបអង្អែល​បែប​ចំណង់ អាច​នាំ​ឲ្យ​ក្មេងស្រី​ឆាប់​ពេញវ័យ

ក្រុងប៊ែរឡាំង: ការសិក្សា​ថ្មី​មួយ​បាន​រក​ឃើញ​ថា ក្មេងស្រី​ចម្រើន​ពេញវ័យ និង​មាន​បម្រែ​បម្រួល​ខ្លាំង​ក្នុង​ខួរក្បាល បើ​ពួកគេ​ត្រូវបាន​ស្ទាបអង្អែល​បែប​កាមគុណ។

ក្រុម​អ្នកស្រាវជ្រាវ​នៅ​មជ្ឈមណ្ឌល Bernstein និង​សាកលវិទ្យាល័យ Humboldt ក្រុង​ប៊ែរឡាំង បាន​រាយការណ៍​ថា ការ​ស្ទាបអង្អែល​តាម​ចំណង់​ផ្លូវភេទ​អាច​ជះឥទ្ធិពល​ធំ​លើការ​ពេញវ័យ​ក្រមុំ​ជាង​ការគិត​កន្លង​មក។ វាត្រូវ​បាន​ដឹងថា បញ្ហា​សង្គម​អាច​ពន្លឿន ឬ​ពន្យារ​ការឡើង​ខ្លួន​ពេញ​ក្រមុំ។

ដំបូង​ក្រុម​អ្នកស្រាវជ្រាវ​បាន​សម្គាល់​ឃើញ​ថា សញ្ញា​ប្រសាទ​ប្រដាប់​ភេទ​ក្នុង​ខួរក្បាល​ថត​ខាងមុខ (ទទួល​បន្ទុក​ខាង​ភាសា ការគិត​ពិចារណា) បាន​ពង្រីក​អំឡុង​ពេល​ពេញវ័យ​ក្រមុំ។

ការសិក្សា​បាន​អះអាង​លើ​អ្វី ដែល​បាន​រំពឹងទុក​ពីមុន​ថា អ័រម៉ូន​ផ្លូវភេទ​បាន​ពន្លឿន​ការចម្រើន​វ័យ​ក្រមុំ និងការ​លូតលាស់​ស្រទាប់​ក្រៅ​នៃ​ប្រដាប់​ភេទ។ តែ​អ្វីដែល​ថ្មី​នោះ​គឺថា ពួកគេ​បាន​រកឃើញ​ថា ការ​ស្ទាបអង្អែល​បែប​ស្រើបស្រាល​ក៏​ចូលរួម​ចំណែក​ក្នុងការ​ពន្លឿន​ឲ្យ​ឆាប់​ពេញវ័យ​ផងដែរ។

អំឡុងពេល​សិក្សា ក្រុម​អ្នក​វិទ្យាសាស្ដ្រ​បាន​ដាក់​កណ្ដុរ​ញី​ឲ្យ​នៅ​ជាមួយ​កណ្ដុរ​ឈ្មោល និង​បាន​រកឃើញ​ថា ស្រទាប់​ប្រដាប់​ភេទ​បាន​ឆាប់​ប៉ោង​រីក​ឡើង។

ក្រុម​អ្នកស្រាវជ្រាវ​បាន​និយាយ​ថា៖ «ឥទ្ធិពល​នៃការ​ស្ទាបអង្អែល​ចំណង់​ផ្លូវភេទ​លើការ​ពេញវ័យ​ក្រមុំ និង​ស្រទាប់​ប្រដាប់​ភេទ​ត្រូវបាន​សម្គាល់។ ដូច្នេះ ការពង្រីក​ស្រទាប់​ប្រដាប់​ភេទ​មិន​ត្រឹមតែ​កើត​ឡើង​ដោយសារ​អ័រម៉ូន​ប៉ុណ្ណោះ​ទេ ប៉ុន្ដែ​ថែម​ទាំង​ការ​ស្ទាបអង្អែល​បែប​ស្រើបស្រាល​ផងដែរ»៕HR

0

Comments

Please, login or register to post a comment

ព័ត៌មានពាក់ព័ន្ធ