Search form

Login - Register | FOLLOW US ON

Logo of Phnom Penh Post newspaper Phnom Penh Post - ឆ្ងល់​ទេ! ហេតុអ្វី​អ្នកខ្លះ​សាច់​ផ្អែម​ឆ្វាក់​មូស​ខាំ​ឥតល្ហែ​ជាង​អ្នកដទៃ?

Content image - Phnom Penh Post
មនុស្សដែល​ឆ្វាក់​មូសខាំ​ជាង​គេ អាស្រ័យ​លើ​ហ្ស៊ែន និង​កម្រិត​អាស៊ីត​ឡេកទិក​​។

ឆ្ងល់​ទេ! ហេតុអ្វី​អ្នកខ្លះ​សាច់​ផ្អែម​ឆ្វាក់​មូស​ខាំ​ឥតល្ហែ​ជាង​អ្នកដទៃ?

ក្រុងញូវយ៉ក: ខណៈ​សត្វល្អិត​ចូលចិត្ដ​ចេញ​រកស៊ី​នៅ​អំឡុង​ពេល​ព្រលឹម និង​ព្រលប់ លោក ចនណាថាន់ ដេ ជា​សាស្ដ្រាចារ្យ​បាណក​វេជ្ជសាស្ដ្រ​នៃ​សាកលវិទ្យាល័យ Florida បាន​ប្រាប់​ថា មាន​មូលហេតុ​បែប​វេជ្ជសាស្ដ្រ​ពីក្រោយ​បញ្ហា​ដែល​មនុស្ស​ខ្លះ​សាច់​ផ្អែម​រមែង​ត្រូវ​មូស​ខាំ​ច្រើន​ជាងគេ។

ការសិក្សា​ថ្មី​ដែល​ចុះផ្សាយ​ដោយ​សាលា​អនាម័យ​ក្រុង​ឡុងដ៍ និង​វេជ្ជសាស្ដ្រ​ត្រូពិក បាន​បង្ហាញ​ថា សាច់​ផ្អែម​ឆ្វាក់​មូស​ខាំ គឺ​អាស្រ័យ​លើ​ហ្ស៊ែន​របស់​អ្នក​ទាំងស្រុង។

សាស្ដ្រាចារ្យ ចេមស៍ ឡូហ្គេន ប្រធាន​ផ្នែក​នៅ​ទីក្រុង​ឡុងដ៍ បាន​និយាយ​ថា៖ «ការ​រកឃើញ​ថ្មី​បំផុត​គឺថា យើង​បាន​ដឹង​ថា វាជា​ហ្ស៊ែន​ពូជ»។

តាំងពី​រកឃើញ​លទ្ធផល សាស្ដ្រាចារ្យ ឡូហ្គេន និង​ក្រុម​ការងារ បាន​ចាប់ផ្ដើម​ស្រាវជ្រាវ​លើ​ការសិក្សា​រយៈពេល ៣ ឆ្នាំ​អំពី​កូនភ្លោះ​ភិនភាគ​ដូចគ្នា​បេះបិទ​ដើម្បី​បំបែក​ក្រុម ហ្ស៊ែន​ដែល​ទាក់​ចិត្ដ​មូស និង​មិន​ទាក់​ចិត្ដ​មូស ដោយ​មាន​ក្ដីសង្ឃឹម​ថា ថ្ងៃ​ណាមួយ​អ្នកនឹង​អាច​ប្រើ​ឱសថ​កម្ចាយ​មូស​បាន។

អ្វីដែល​បាន​ដឹង​នាពេល​នេះ​គឺថា ទម្លាប់ អាហារ​ដែល​អ្នក​ចូលចិត្ដទ​ទួលទាន ឬ​ទឹកអប់​ដែល​អ្នក​ចូលចិត្ដ មិនមែន​ជា​ដើមចម​នាំឲ្យ​សាច់​ផ្អែម ដូច​អ្នកខ្លះ​ធ្លាប់​គិត​ឡើយ។ លើស​ពីនេះ មូស​ញី ចូលចិត្ដ​ក្លិន​ធាតុ​កាបូន ដែល​មនុស្ស​គ្រប់រូប​បញ្ចេញ​តាម​រន្ធ​ញើស។

លោក ឡូហ្គេន បាន​បន្ដ​ថា៖ «មូស​ញី​មាន​ញាណ​រកឃើញ​ធាតុ​កាបូន ដែល​ដឹង​ពី​ប្រភព និង​ចម្ងាយ»។

ចំណុច​ទី ២ គឺ​អាស៊ីត​ឡេកទិក ដែល​មនុស្ស​គ្រប់រូប​រមែង​បញ្ចេញ ពិសេស​អ្នកមាន​អត្រា​រំលាយ​អាហារ​ខ្ពស់ កាន់តែ​ទាក់ទាញ​មូស​ថែម​ទៀត៕HR

0

Comments

Please, login or register to post a comment

ព័ត៌មានពាក់ព័ន្ធ