ក្រុងញូវយ៉ក: គ្មានអ្វីរំជើបរំជួលជាងគូស្នេហ៍ថ្មីថ្មោងឡើយ។ ពេលអ្នកមានទំនាក់ទំនងជាមួយគ្នាយូរអង្វែងបន្ដិច ភ្លើងស្នេហ៍ចាប់ផ្ដើមចុះត្រជាក់ជាលំដាប់។ តើវាជារឿងធម្មតាមែនទេ?
ច្បាស់ណាស់ ដៃគូថ្មីថ្មោងទំនងជាអាចរួមភេទច្រើនដង
គូស្នេហ៍ ឬប្ដីប្រពន្ធថ្មោង ថ្មីអាចឆ្លងកាត់ដំណាក់កាលមួយដែលហៅថា ស្នេហាផ្ដើមពីការ ស្រឡាញ់ដោយខ្លួនឯង ដែលអាច មានរយៈពេលពី ១៨ ខែទៅ ២ ឆ្នាំ។ នេះយោង តាម Sari Cooper ជាអ្នក ជំនាញសិចសាស្ដ្រ និងជានាយកមជ្ឈមណ្ឌលដើម្បីក្ដីស្រឡាញ់ និងសិច។
វាជាវេលាខួរក្បាលអ្នកបញ្ចេញសារធាតុអ័រម៉ូនស្នេហាផ្សារ ភ្ជាប់រូបអ្នក និងមនុស្សម្នាក់ ទៀត និងបង្កើតអារម្មណ៍ពេញ ចិត្ដពេញថ្លើមចំពោះចំណងស្នេហ៍នេះ។
ចាប់ពី ២ ឆ្នាំឡើង សិចពិបាករក្សាស្ថិរភាព
មនុស្សភាគច្រើនចង់រក្សាអារម្មណ៍ «ធម្មតា» ឬបើអាចទៅរួច «លើសធម្មតាបន្ដិច» និងយល់ឃើញថា សិចស្ទើរតែដូចជាកីឡាមួយប្រភេទ ដែលត្រូវមានតួលេខគ្រប់គ្រាន់។
ការសិក្សាមួយដែលចុះផ្សាយក្នុងព្រឹត្តិបត្រចិត្ដសាស្ដ្រសង្គម វិទ្យាសាស្ដ្របុគ្គលិកលក្ខណៈ ក្នុងឆ្នាំ ២០១៥ បានរកឃើញថា ជាមធ្យម គូស្នេហ៍រីករាយនឹងសិចម្ដងក្នុងមួយសប្ដាហ៍។
គូស្នេហ៍ យូរអង្វែង ផ្ដោតលើគុណភាពនៅជាមួយគ្នា
ពេលគូស្នេហ៍រួមរស់នឹងគ្នាចាប់ពី ២ ឆ្នាំឡើងទៅ បញ្ហាកើតឡើងលើចំណង់ផ្លូវភេទដែលសាបរលាបបន្ដិចម្ដងៗដោយឯកឯង។
ជារឿយៗ គូស្នេហ៍តែងងឿងឆ្ងល់ពីមូលហេតុដែលពួកគេមិនបានរួមភេទញឹកញាប់។ ចំពោះគូស្នេហ៍ទាំងនេះ ពួកគេគួរតែឆ្លៀតពេលវេលាខ្លះមករំឭកអនុស្សាវរីយ៍រួមគ្នា កាត់បន្ថយការមើលអេក្រង់ទូរស័ព្ទ កុំព្យូទ័រ និងសម្រាកឲ្យគ្រប់គ្រាន់។
ចេះលេងល្បិចស្នៀតពេលរៀបការ និងមានកូន
ទន្ទឹមនឹងការងារផ្ទះ អាជីពការងារ និងការចិញ្ចឹមបីបាច់កូនៗ សិចអាចទាមទារឲ្យការស្រុះស្រួលនឹងគ្នា និងថែមទាំងជំនាញចរចាខ្លះៗដែរ។
ការស្ទង់មតិពី Parenting.com និង HLN បានរកឃើញថាឪពុកម្ដាយតែ ៤៥ ភាគរយរកលៃលករកឱកាសរួមភេទម្ដងក្នុងមួយសប្ដាហ៍ ខណៈ ៣០ ភាគរយនិយាយថាពួកគេបានរួមភេទ ២ ទៅ ៣ ដងក្នុង ១ ខែ។
កុំប្រៀបធៀបនឹងតួលេខចំណង់សិចរបស់អ្នកដទៃ
លោកមីឆែល អារ៉ុន សិចវិទូ និងជាអ្នកឯកទេសផ្លូវភេទនៅក្រុងញូវយ៉កបាននិយាយថាបុគ្គលម្នាក់មានស្ថិតិតួលេខសិចខុសៗគ្នា។
ជាមធ្យមសិច ២ ដងក្នុងមួយសប្ដាហ៍ ទោះគូស្នេហ៍ ១៦ ភាគរយមិននឹកនាដល់សិចសោះ តែសំខាន់បំផុតនោះគឺភាគីទាំង ២ ពេញចិត្តនឹងជីវិតសិចខ្លួន៕HR