Search form

Login - Register | FOLLOW US ON

Logo of Phnom Penh Post newspaper Phnom Penh Post - ទឹកក្រូច ឬ​សូដា​តែ​ពីរ​កំប៉ុង​ក្នុង​មួយ​សប្ដាហ៍ គ្រោះ​ថ្នាក់​ហួស​ពី​ការ​ស្មាន

Content image - Phnom Penh Post
ញ៉ាំទឹក​ក្រូច​ ឬ សូដា ១ កំប៉ុង​ គឺ​លើស​តម្រូវការ​ជាតិ​ស្ករ​រួច​ទៅ​ហើយ។

ទឹកក្រូច ឬ​សូដា​តែ​ពីរ​កំប៉ុង​ក្នុង​មួយ​សប្ដាហ៍ គ្រោះ​ថ្នាក់​ហួស​ពី​ការ​ស្មាន

ក្រុងញូវយ៉ក: ការស្រាវជ្រាវ​ថ្មី​បាន​ព្រមាន​ថា ក្រេប​សូដា​តែ ២ កំប៉ុង​ក្នុង​មួយ​សប្ដាហ៍ គ្រប់គ្រាន់​ក្នុងការ​បង្កើន​ហានិភ័យ​ជំងឺ​ទឹកនោម​ផ្អែម លើស​ឈាម ជំងឺ​បេះដូង និង​ដាច់​សរសៃ​ឈាម​ខួរក្បាល។

ការសិក្សា​ក៏បាន​លើក​ឡើង​ថា ការទទួល​ទាន​សូដា​តែមួយ​កំប៉ុង​ចំណុះ ៣៥០ មិល្លីលីត្រ អាច​បង្កើន​អត្រា​សម្ពាធ​ឈាម ដោយសារ​វាផ្ទុក​ជាតិ​ស្ករ​លើស​ពី​កម្រិត​កំណត់​រហូតដល់ ១៤ ដង​ឯណោះ។

ខណៈ​ភេសជ្ជៈ​សម្បូរ​ជាតិ ស្ករ​ខ្ពស់​ត្រូវ​បាន​ស្គាល់​ជាដើម​ចម​ធ្វើ​ឲ្យ​ធាត់ និង​អាច​ប្រឈម​ជំងឺ​រ៉ាំរ៉ៃ ការ​ទទួនទាន​សូដា​កំពុង​ក្លាយ​ជា​ភេសជ្ជៈ​ពេញនិយម​ក្នុង​ក្រុម​មនុស្ស​គ្រប់​វ័យ​ទូទាំង​ប្រទេស។

ខណៈ​មនុស្ស​ភាគច្រើន​គិតថា ពួកគេ​អាច​គេច​ផុត​ពី​ហានិភ័យ​នានា ដោយ​ការ​ទទួល​ទាន​ដាយ​អ៊ឺតសូដា ដែល​មិន​ផ្ទុក​ជាតិ​ស្ករ និង​កាឡូរី ១០ ការសិក្សា​ដទៃ​ទៀត បាន​បង្ហាញ​ថាវា​មិន​ខុស​ពី​សូដា​ធម្មតា​ឡើយ។

បច្ចុប្បន្ន ក្រុម​អ្នកស្រាវជ្រាវ​បាន​រក​ឃើញ​ភ័ស្ដុតាង​ជាច្រើន​បញ្ជាក់​ថា គ្រាន់​តែ​ទទួល​ទាន​សូដា​តិចតួច​ក្នុង​មួយ​សប្ដាហ៍​អាច​នាំ​ឲ្យ​កើត​បញ្ហា​រំលាយ​អាហារ ព្រមទាំង​ផលវិបាក​នានា ដែល​នាំ​ឲ្យ​មាន​ហានិភ័យ​ជំងឺ​បេះដូង ដាច់​សរសៃ​ឈាម​ខួរក្បាល និង​ជំងឺ​ទឹកនោម​ផ្អែម​ជាដើម។

លទ្ធផល ដែល​ត្រូវ​បាន​ចុះផ្សាយ​ក្នុង​ប្រតិបត្ដិ Endocrine Society បាន​បង្ហាញ​ថា កត្ដា​ហានិភ័យ​របស់​សូដា រួមទាំង ការ​ធាត់​ឡើង​ទម្ងន់ ខ្លាញ់​ក្នុង​ឈាម លើស​ឈាម លើស​ជាតិ​ស្ករ​ក្នុង​ឈាម និង​កាត់​បន្ថយ​កម្រិត​កូលេស្ដេរ៉ូល​ថែម​ទៀតផង៕HR

0

Comments

Please, login or register to post a comment

ព័ត៌មានពាក់ព័ន្ធ