Search form

Login - Register | FOLLOW US ON

Logo of Phnom Penh Post newspaper Phnom Penh Post - ទឹក ល្អ​ចំពោះ​សុខភាព តែបើ​ញ៉ាំ​បង្ខំ​ពេក​ក៏​ប៉ះពាល់​រាងកាយ​ដែរ

Content image - Phnom Penh Post
ការ​ញ៉ាំ​ទឹកទាំង​បង្ខំ​ក្នុង​បរិមាណ​ច្រើន​នាំ​ឲ្យ​ប៉ះពាល់ដល់​បេះដូង និង​ក្រលៀន។

ទឹក ល្អ​ចំពោះ​សុខភាព តែបើ​ញ៉ាំ​បង្ខំ​ពេក​ក៏​ប៉ះពាល់​រាងកាយ​ដែរ

ក្រុងសាន ហ្រ្វានស៊ីស្កូ: ការណែនាំ​បែប​វេជ្ជសាស្ត្រ​ជាច្រើន​ជំរុញ​ឲ្យ​យើង​ត្រូវ​ញ៉ាំ​ទឹក ពី ៨ កែវ ឬ​រហូត​ដល់ ១៥ កែវ​ឯណោះ​ក្នុង​មួយ​ថ្ងៃ និង​ក៏មាន​ការជំរុញ​ដែរ​ថា មនុស្ស​ម្នាក់​ត្រូវ​ទទួល ទាន​ទឹក​ឲ្យ​បាន​ច្រើន​បំផុត​តាម​លទ្ធភាព។ ប៉ុន្ដែ​ក្រុម​អ្នកជំនាញ​បាន​ព្រមាន​ថា វាមិន​អាចជា​ទង្វើ​ល្អ​បំផុត​នោះ ទេ។

ខណៈ​ទឹក​ពិតជា​សំខាន់​សម្រាប់​ស្បែក ប្រព័ន្ធ​ស៊ាំជំងឺ និង​កម្រិត​ថាមពល ការខិតខំ​អក​ទឹក​ច្រើន​ហួសហេតុ​អាច​ជាការ​ប្រឹងប្រែង​ឥត​អាសា ឬ​ជះឥទ្ធិពល​អវិជ្ជមាន​ថែម​ទៀត។

វេជ្ជបណ្ឌិត ស្ដេហ្វានី ឡុង ជា​គ្រូពេទ្យ​ប្រចាំ​គ្រួសារ One Medical ក្នុង​ក្រុង​សាន ហ្រ្វានស៊ីស្កូ ថ្លែង​ពី​វិធីសាស្ដ្រ​សុខភាព​ដែល​មនុស្ស​ទូទៅ​គួរ​ទទួល​ទាន​ទឹក​ថា ការ​ស្រេកឃ្លាន​ត្រូវ​បាន​គ្រប់គ្រង​ដោយ​កម្រិត​សូដ្យូម​ក្នុង​រាងកាយ ដែល​អាច​បង្កើន​អំឡុង​ហាត់​ប្រាណ​ខ្លាំង។ ដើម្បី​បន្សាប​កម្រិត​សូដ្យូម ការ​ញ៉ាំ​ទឹក​ច្រើន​ពេក​ក៏ធ្វើ​ឲ្យ​នោម​ច្រើន​ដូចគ្នា និង​បង្កើន​បញ្ហា​ដល់​បេះដូង ក្រលៀន និង​ក្រពះ។

នោះ​គឺជាការ​ប៉ះពាល់​ដ៏​ធ្ងន់ធ្ងរ។ យ៉ាងណា​មិញ ទោះ​បីជា​អ្នក​ដែល​មិន​ធ្លាក់​ខ្លួន​ឈឺ មិន​រង​ប៉ះពាល់​អ្វី​ដល់​សុខភាព​យ៉ាងណា​ក៏ដោយ ក៏ការ​ទទួលទាន​ទឹក និង​អក​ទាំង​គំហុក វាអាច​លើស​ពី​ចំណុះ​ផ្ទុក​របស់​រាងកាយ។

វេជ្ជបណ្ឌិត ឡុង បាន​ណែនាំ​ឲ្យ​ស្វែងយល់​ពី​រាងកាយ​ខ្លួន​ពេល​សម្រេច​ចិត្ដទ​ទួល​ទាន​ទឹក​ច្រើន​ប៉ុន្មាន។

អ្នកស្រី​បាន​បន្ដថា៖ «ពេល​យើង​ត្រូវការ​ទឹក​ច្រើន រាងកាយ​ផ្ដល់​សញ្ញា​សម្គាល់​ថា យើង​មាន​ជាតិ​អំបិល​ច្រើន»។

ប្រការ​គួរ​ចៀសវាង​គឺ ការទទួល​ទាន​ក្អឹកៗ​យ៉ាង​លឿន និង​ត្រូវ​នោម​ច្រើន​ដង​ខុសពី​ប្រក្រតី៕ HR

0

Comments

Please, login or register to post a comment