Search form

Login - Register | FOLLOW US ON

Logo of Phnom Penh Post newspaper Phnom Penh Post - ផ្សែង​ប្រេង​ម៉ាស៊ូត​ពី​យានយន្ដ​ អាច​នាំឲ្យ​កុមារ​មាន​បញ្ហា​ខួរក្បាល

Content image - Phnom Penh Post
ផ្សែង​បំភាយ​ចេញពី​រថយន្ដ​ប្រើប្រេង​ម៉ាស៊ូត​អាច​ប៉ះពាល់​ដល់​ខួរក្បាល​កុមារ​​។

ផ្សែង​ប្រេង​ម៉ាស៊ូត​ពី​យានយន្ដ​ អាច​នាំឲ្យ​កុមារ​មាន​បញ្ហា​ខួរក្បាល

ក្រុងញូវយ៉ក: ការសិក្សា​គួរឲ្យ​រញ្ជួយ​ចិត្ដ​មួយ​បាន​បង្ហាញ​ថា ផ្សែង​ប្រេង​ម៉ាស៊ូត​ចេញពី​យានយន្ដ​ដែល​ទាក់ទាញ​នឹង​ជំងឺ Alzheimer's (ជំងឺ​វង្វេង​វង្វាន់​ការចងចាំ ការគិត​ពិចារណា និង​ទម្លាប់​ប្រចាំ​ថ្ងៃ) ត្រូវបាន​រកឃើញ​ក្នុង​ខួរក្បាល​កុមារ​អាយុ ៣ ឆ្នាំ។

ការស្រាវជ្រាវ​របស់​ក្រុម​អ្នកជំនាញ​សហរដ្ឋអាមេរិក និង​ម៉ិកស៊ិក បាន​បង្ហាញ​ថា ផង់ធូលី​នៃ​កំណក​ផ្សែង​បង្ក​ផល​ប៉ះពាល់​ដល់​ផ្នែក​សំខាន់ៗ​នៃ​ខួរក្បាល​របស់​កុមារ​មុន​អាយុ ១៤ ឆ្នាំ។

ពួកគេ​និយាយថា ផល​ប៉ះពាល់​នេះ​អាចជា​ដើមចម​បង្ក​បញ្ហា​ដល់​អត្ដចរិត​ជាច្រើន រួមទាំង អំពើហិង្សា​នៅ​វ័យ​ជំទង់ និង​អាច​ឈាន​ដល់​ជំងឺ Alzheimer's ក្នុង​ពេល​ណាមួយ​ទៀតផង។

មនុស្ស​ប្រមាណ ៨៥ ម៉ឺន​នាក់​នៅ​ចក្រភព​អង់គ្លេស ថ្មីៗ​នេះ​មាន​ជំងឺ​វង្វេង​វង្វាន់ ហើយ​តួលេខ​នេះ​នឹង​កើន​ឡើង​ដល់ ១ លាន​នាក់​មុន​ឆ្នាំ ២០២៥ និង ២ លាន​នាក់​នៅមុន​ឆ្នាំ ២០៥០។

ជំងឺ​នេះ​ត្រូវបាន​ចាត់​ទុកថា​មាន​ទំនាក់​ទំនង​សំខាន់​ទៅនឹង​ហ្ស៊ែន តែ​ភ័ស្ដុតាង​ជាច្រើន​បាន​បង្ហាញ​ពីកត្ដា​ដទៃ ដូចជា ការជក់បារី ធាត់​ជ្រុល និង​កង្វះ​លំហាត់​ប្រាណ ក៏បង្កើន​គ្រោះថ្នាក់​ផងដែរ។

ក្រុម​អ្នកស្រាវជ្រាវ​បាន​និយាយ​ថា កុមារ​ដែល​រស់នៅ​តំបន់​ខ្យល់​អាកាស​ល្អ គ្មាន​សញ្ញា​គ្រោះថ្នាក់​ដូចនេះ​ទេ។

ផ្សែង​ប្រេង​ម៉ាស៊ូត​ពីយានយន្ដ​ត្រូវបាន​ចាត់​ទុកជា​ជម្រើស​ស្ទួយ​បរិស្ថាន​តាំងពី​ទសវត្សរ៍​ឆ្នាំ ១៩៧០ ពីព្រោះ​វា​បញ្ចេញ​សារធាតុ​កាបោន និង​ឧស្ម័ន​ផ្ទះ​កញ្ចក់​តិច។

តែ​ក្រុម​អ្នកវិទ្យាសាស្ដ្រ​ប៉ុន្មាន​ឆ្នាំនេះ​បាន​ដឹងថា ផ្សែង​ប្រេងម៉ាស៊ូត​ក៏អាច​បង្កើន​ហានិភ័យ​ជំងឺ​សួត និង​ជំងឺ​បេះដូង​ផងដែរ៕HR

0

Comments

Please, login or register to post a comment

ព័ត៌មានពាក់ព័ន្ធ