Search form

Login - Register | FOLLOW US ON

Logo of Phnom Penh Post newspaper Phnom Penh Post - មូលហេតុ​ដែល​ក្មេង​ជំទង់ ​មិនគួរ​ប៉ះ​គ្រឿង​ស្រវឹង​ទាល់​តែសោះ

Content image - Phnom Penh Post
សារធាតុ​ក្នុង​គ្រឿង​ស្រវឹង​ធ្វើ​ឲ្យ​ក្មេង​ជំទង់​មិន​មានការ​អភិវឌ្ឍ​​ខួរក្បាល​បែប​​ប្រក្រតី។

មូលហេតុ​ដែល​ក្មេង​ជំទង់ ​មិនគួរ​ប៉ះ​គ្រឿង​ស្រវឹង​ទាល់​តែសោះ

ក្រុងញូវយ៉ក: ការស្រាវជ្រាវ​ថ្មី​មួយ​បាន​បង្ហាញ​ថា ការទទួល​ទាន​គ្រឿង​ស្រវឹង​ច្រើន​ពេក​អំឡុង​ពេល​វ័យ​ជំទង់​ធ្វើឲ្យ​ស្ដើង​ត្រង់​បរិវេណ​កោសិកា​ដែល​ទាមទារ​សម្រាប់​ការអភិវឌ្ឍ​ខួរក្បាល​ក្នុង​អំឡុងពេល​លូតលាស់។

លទ្ធផល​រកឃើញ​ថ្មី​ស្ដែង​ឲ្យ​ឃើញ​ពី​ផល​ប៉ះពាល់​នៃ​គ្រឿង​ស្រវឹង​ដែល​មិន​ត្រឹមតែ​ជាជំងឺ​សង្គម​ក្នុង​ស្រទាប់​យុវវ័យ​និយម​ការផឹកស៊ី​ឡើយ ប៉ុន្តែ​វាបាន​បង្ក​នូវ​បញ្ហា​ដល់ការ​លូតលាស់​នៃ​ខួរក្បាល និង​ប្រាជ្ញា​ស្មារតី​របស់​ក្មេង​ជំទង់​តែម្ដង។

ការសិក្សា​បាន​រកឃើញ​ថា ក្មេង​ជំទង់​ដែល​ផឹក ឬ​ស្រវឹង​ជោក​ជាំ​បាន​កាត់​បន្ថយ​កោសិកា​ខួរក្បាល​ក្នុង តំបន់​ពាក់ព័ន្ធ​នឹង​វិចារណញ្ញាណ តក្កវិទ្យា ការដោះស្រាយ​បញ្ហា រៀបចំ​គម្រោង និងការ​ចងចាំ។

ក្រុម​អ្នកស្រាវជ្រាវ​ជឿថា ការទទួល​ទាន​គ្រឿង​ស្រវឹង​ច្រើន ខណៈ​ខួរក្បាល​បន្ដ​លូតលាស់​អាច​ប៉ះពាល់​ទៅ​ដល់​ប្រព័ន្ធ​ប្រសាទ​របស់​បុគ្គល​នោះ និង​បង្កើន​ហានិភ័យ​ញៀន​គ្រឿង​ស្រវឹង​នៅ​ថ្ងៃ​អនាគត​ថែម​ទៀត។

អ្នកនិពន្ធ​ការសិក្សា សាស្ដ្រាចារ្យ Anita Cservenka មកពី​សាកលវិទ្យាល័យ​រដ្ឋ​អូរ៉េហ្គូន បាន​និយាយ​ថា៖ «ក្មេង​ជំទង់​គឺជា​វ័យ​ដែល​ខួរក្បាល​នៅតែ​បន្ដ​អភិវឌ្ឍ មិន​ត្រឹមតែ​ការអភិវឌ្ឍ​ជីវសាស្ដ្រ​ទេ តែ​ថែម​ទាំង​លូតលាស់​អត្ដចរិត​ក្នុង​សង្គម​ផងដែរ»។

លទ្ធផល​បាន​បង្ហាញ​ថា អ្នក​ប្រមឹក​បានធ្វើ​ឲ្យ​កោសិកា​ខួរក្បាល​កាន់តែ​ស្ដើង និង​កាត់បន្ថយ​សកម្មភាព​ខួរក្បាល​ក្នុង​បរិវេណ​ដែល​គ្រប់គ្រង​ការរៀន​សូត្រ។ លទ្ធផល​នេះ​ត្រូវបាន​ចុះ​ផ្សាយ​ក្នុង​ព្រឹត្តិបត្រ Frontiers ក្នុង Psychology៕

HR

0

Comments

Please, login or register to post a comment

ព័ត៌មានពាក់ព័ន្ធ