Search form

Login - Register | FOLLOW US ON

Logo of Phnom Penh Post newspaper Phnom Penh Post - សម្រាប់​អ្នករវល់​ខ្លាំង ហាត់ប្រាណ​តែចុង​សប្ដាហ៍ ​ក៏ល្អ​ដូចហាត់​រាល់ថ្ងៃ

Content image - Phnom Penh Post
អ្នកជំនាញ​ណែនាំ​ឲ្យ​ហាត់​ប្រាណ ១៥០ នាទីក្នុង​មួយ​សប្ដាហ៍​​​។

សម្រាប់​អ្នករវល់​ខ្លាំង ហាត់ប្រាណ​តែចុង​សប្ដាហ៍ ​ក៏ល្អ​ដូចហាត់​រាល់ថ្ងៃ

ក្រុងម៉ៃអាមី: ក្រុម​អ្នក​ស្រាវជ្រាវ​បាន​និយាយ​កាលពី​ថ្ងៃ​ចន្ទថា អ្នក​ហាត់ប្រាណ​សកម្ម​នៅថ្ងៃ​ចុងសប្ដាហ៍​អាច​ទទួលបាន​សុខភាព​ល្អ និង​អត្ថប្រយោជន៍​រស់​យូរអង្វែង​ដូចនឹង​អ្នក​ហាត់ប្រាណ​រៀងរាល់ថ្ងៃ។

ថ្មីៗនេះ ក្រុម​អ្នកជំនាញ​បាន​ណែនាំ​ឲ្យ​ធ្វើការ​ហាត់ប្រាណ ១៥០ នាទី​ក្នុងមួយ​សប្ដាហ៍ ឬការហាត់​ស្វាហាប់ (ប្រភេទ​ធ្ងន់) ៧៥ នាទី។

លទ្ធផល​ចុះ​នៅក្នុង​ព្រិត្តិបត្រ​សមាគម​វេជ្ជសាស្ដ្រ​អាមេរិក (JAMA) បាន​បង្ហាញថា អ្នក​បង្រួម​សកម្មភាព​ហ្វឹកហ្វឺន​រាងកាយ​មកត្រឹម​តែមួយ ឬពីរ​ថ្ងៃ​ក្នុង​មួយ​សប្ដាហ៍ រមែង​សំដៅលើ «លំហាត់ប្រាណ​ខ្លាំងក្លា» ទំនងជា​កាត់បន្ថយ​ហានិភ័យ​ឆាប់ស្លាប់​លើស​អ្នកដែល​ហាត់ប្រាណ​ច្រើនជាង ៣ ដង។

ការសិក្សា បាន​តាមដាន​លើ​ការស្ទង់មតិ​មនុស្ស ៦៤ ០០០ នាក់។ ការប្រៀបធៀប​ការហាត់​ប្រាណ​បែកញើស​ហូរញើស​នា​ចុង​សប្ដាហ៍​របស់​ក្រុម​មនុស្ស​មិនសូវ​ប្រើ​កម្លាំង ក្រុមអ្នក​ស្រាវជ្រាវ​រកឃើញថា អ្នក​ហាត់ប្រាណ​មួយ ឬពីរ​ថ្ងៃក្នុង​មួយ​សប្ដាហ៍​បន្ថយ​គ្រោះថ្នាក់​ស្លាប់​មុន​អាយុ ៣០ ភាគរយ។

ហានិភ័យ​មរណភាព​នៃជំងឺ​បេះដូង​ចំពោះ​ការហាត់​ប្រាណ​សកម្ម​នាចុង​សប្ដាហ៍​មាន ៤០ ភាគរយ និង​ហានិភ័យ​មរណភាព​ជំងឺមហារីក ១៨ ភាគរយ​ទាប​ជាង​ក្រុមអ្នក​ហាត់ប្រាណ​សកម្ម​រៀងរាល់​ថ្ងៃ។

ក្រុម​អ្នកជំនាញ​ឲ្យ​ដឹងថា លំហាត់​ប្រាណ​រាងកាយ​បង្កើន​សុខភាព​មាំមួន កាត់បន្ថយ​កូឡេស្ដេរ៉ូ គ្រប់គ្រង​ទម្ងន់​ខ្លួន​រាងកាយ បង្កើន​ដំណេក​លក់​ស្រួល និង​កាត់បន្ថយ​គ្រោះថ្នាក់​ជំងឺ​បេះដូង មហារីក និង​ទឹកនោមផ្អែម៕

0

Comments

Please, login or register to post a comment