Search form

Login - Register | FOLLOW US ON

Logo of Phnom Penh Post newspaper Phnom Penh Post - សារធាតុ​គីមី​ ក្នុងសាប៊ូ​សម្អាត​ខ្លួន ​អាច​សម្លាប់​ជីវិត​សិច​របស់​បុរស

Content image - Phnom Penh Post
ផលិតផល​សម្អាងកាយ​បុរស​ផ្ទុក​សារធាតុ​គីមី​ធ្វើឲ្យ​ផ្លូវភេទ​ចុះ​ខ្សោយ។

សារធាតុ​គីមី​ ក្នុងសាប៊ូ​សម្អាត​ខ្លួន ​អាច​សម្លាប់​ជីវិត​សិច​របស់​បុរស

ក្រុងសាក្រាមេនតូ: នៅពេល​ងូតទឹក​ដែល​តែងតែ​ប្រើប្រាស់​ផលិតផល​សម្រាប់​សម្អាត​រាងកាយ លោកអ្នក​គិតថា ពួកវា​សុទ្ធតែ​ផ្ដល់​គុណប្រយោជន៍​ល្អជា​និច្ច។

ជាទូទៅ ពួកវា​ល្អមែន តែសមាស​ធាតុគីមី​ក្នុង​ផលិតផល​អនាម័យ​អាចបង្ក​ហានិភ័យ​ដោយ​ប្រយោល ដូចជា ទ្រីក្លូសាន ប្រឆាំងនឹង​បាក់តេរី។

យោងតាម CBS បង្ហាញថា ជម្រើស​ដ៏ពេញ​និយម​ដែល​ប្រើ​ផលិតផល​គីមី​ទាំងនេះ ស្ថិតនៅក្នុង​សាប៊ូដុំ ថ្នាំ​បំបាត់​ក្លិន (រ៉ូលអន) និង​សាប៊ូម្សៅ​ដុសខ្លួន សម្រាប់​សម្លាប់​មេរោគ ការសិក្សា​រកឃើញថា គីមី​ទ្រីក្លូសាន អាច​រំខាន​ដល់​អ័រម៉ូនសិច និង​ក្រ​ពេញទី​រ៉ូអ៊ីដ ព្រមទាំង​មុខងារ​រាងកាយ​ដទៃ។

ការសិក្សា​មួយពី​អ្នកស្រាវជ្រាវ​សាកលវិទ្យាល័យ​កាលីហ្វ័រនីញ៉ា លោក ដាវីស បាន​បង្ហាញថា គីមី​ក្នុង​ផលិតផល​សម្អាង​កាយ​ទាំងនេះ​អាចធ្វើ​ឲ្យសាច់ដុំ​ចុះខ្សោយ និង​ប៉ះពាល់​ដល់​មុខងារ​របស់​វា។

រដ្ឋបាល​គ្រប់គ្រង​ម្ហូប និង​ឱសថ (FDA) បានដាក់​បម្រាម​លើ​សារធាតុ​ទ្រីក្លូសាន ហើយ​គ្រឿងផ្សំ​ប្រឆាំង​បាក់តេរី ១៨ ប្រភេទ រួមទាំង ទ្រី​ក្លូខារបាន ដែល​សម្បូរ​ក្នុង​សាប៊ូដុំ ដោយ FDA បានឲ្យ​ដឹងថា សាប៊ូ​ផ្ទុកគីមី​មិន​បង្ហាញ​ភ័ស្ដុតាង​ផ្នែក​វិទ្យាសាស្ដ្រ​ថា ពួកវា​ប្រសើរ​ជាងសាប៊ូ​ធម្មតា និងទឹក​នោះទេ។

បម្រាម​នេះ​ចូល​ជាធរមាន​ទូទាំងប្រទេស​ក្នុង​ខែកញ្ញា ឆ្នាំ ២០១៧ តែ​ក្រុមហ៊ុន​ជាច្រើន​ផ្ដើម​ដក​សារធាតុ​គីមី​ពី​ផលិតផល​របស់ខ្លួន​បណ្ដើរ។ រដ្ឋ​មីនណេសូតា បាន​ហាម​ផលិតផល​គីមីទ្រីក្លូសាន​តាំងពី​ថ្ងៃទី ១ ខែមករា។

ដ្បិតតែ​គីមី​នេះធ្លាប់​ត្រូវបាន​ប្រើ​ទូលំទូលាយ​ក៏ដោយ ក៏​ពេលនេះ​វាមិន​ធ្វើឲ្យ​អ្នក​បារម្ភ ពេល​ងូតទឹក ឬ​ឡើង​គ្រែទេ៕HR

0

Comments

Please, login or register to post a comment

ព័ត៌មានពាក់ព័ន្ធ