ក្រុងញូវយ៉ក: ខណៈស្ដ្រីមានគភ៌គ្រប់រូបចង់ទទួលទានអ្វីដែលល្អសម្រាប់កូនក្នុងផ្ទៃ ការសិក្សាមួយបានបង្ហាញថា ការដែលស្ត្រីជាម្តាយជ្រើសរើសម្ហូបពេកអាចធ្វើឲ្យខូចប្រយោជន៍ទៅវិញ។
សំខាន់ វាពិតជាមានការលំបាកចំពោះការអូសទាញក្មេងៗមកទទួលទានបន្លែដែលអ្នកជ្រើសរើស។
ការសិក្សាថ្មីមួយ បានរកឃើញថា ស្ដ្រីដែលទទួលទានរបបអាហារកំហិតដ៏តឹងតែងអំឡុងពេលមានគភ៌ ទំនងជាមានកូនដែលជាក្មេងរើសចំណីអាហារពិបាកផ្គាប់់ចិត្ដ។
ការសិក្សាថ្មី ដែលទើបចុះផ្សាយក្នុងប្រតិបត្ដិ Obesity Reviews បានរកឃើញថា ខណៈកុមារតែងតែកើតរោគជំទាស់នឹងអ្វីថ្មីៗ ពួកគេស៊ាំតាំងពីនៅក្នុងផ្ទៃម្ដាយ។ ការសិក្សាបានសន្និដ្ឋានថា ទារកហាក់ងាយទទួលយកនូវអាហារណាដែលពួកគេធ្លាប់បានទទួលតាំងពីនៅក្នុងពោះម្ដាយ។
ភ័ស្ដុតាងផ្សេងៗទៀតត្រូវបានរកឃើញក្នុងការសិក្សាកន្លងទៅនៅឆ្នាំ ២០០៧ ចុះផ្សាយក្នុងព្រឹត្តិបត្រច្បាប់ វេជ្ជសាស្ដ្រ និងចរិតមាយាទ។
ការស្រាវជ្រាវរកឃើញថា រសជាតិអាហារជាច្រើនដែលជារបបអាហារអ្នកម្ដាយ ត្រូវបានបំប្លែងទៅក្នុងទឹកភ្លោះ។ ដោយសារតែរសជាតិ និងក្លិនដែលរមែងវិលវល់អំឡុងពេលពពោះ និងដោយសារតែគភ៌រមែងលេបទឹកភ្លោះ បទពិសោធទទួលរសជាតិដំបូងធ្វើឲ្យទារកស៊ាំតាំងពីមុនប្រសូត។
ក្រុមអ្នកនិពន្ធថា៖ «ការទទួលរងនូវរសជាតិបំប្លែងនេះបានជះឥទ្ធិពលចំពោះបទពិសោធទទួលយករបស់ទារកតាំងពីក្នុងផ្ទៃម្ដាយ»៕HR