Search form

Login - Register | FOLLOW US ON

Logo of Phnom Penh Post newspaper Phnom Penh Post - អ្នកជំនាញ​បង្ហាញ​ មូលហេតុ​គួរ​បញ្ឈប់​ទម្លាប់​ប្រើ សំឡី​ ត្បារ​អាចម៍​ត្រចៀក

Content image - Phnom Penh Post
ក្មេងម្នាក់​ចំណោម ១០ នាក់ និងមនុស្សពេញ​វ័យម្នាក់​ចំណោម ២០ នាក់​កើត​បញ្ហា​ត្រចៀក​។

អ្នកជំនាញ​បង្ហាញ​ មូលហេតុ​គួរ​បញ្ឈប់​ទម្លាប់​ប្រើ សំឡី​ ត្បារ​អាចម៍​ត្រចៀក

ក្រុងញូវយ៉ក: សំឡី​ត្បារ​អាចម៍ត្រចៀក (ឈើ ឬជ័រ​បិតសំឡី) ជា​ឧបករណ៍​ដែល​ត្រូវបាន​ប្រើ​សម្អាត​ត្រចៀក​ជាប្រចាំ ទោះបីជា​ក្រុមហ៊ុន​ផលិត​សំឡី​នេះតែងតែ​ព្រមាន​ចំពោះ​ការរុក​ធ្លាយ​ក្រដាស​ត្រចៀក​អស់​រយៈពេល​ជាច្រើន​ឆ្នាំ​ក៏ដោយ។

ការព្រមាន​ឲ្យ​បញ្ឈប់​ប្រើសំឡី​ត្បារ​អាចម៍ត្រចៀក​នេះ​ត្រូវបាន​បញ្ចូល​ក្នុង​គោលការណ៍​ណែនាំ​វេជ្ជសាស្ដ្រ​របស់​វិទ្យាស្ថាន​អាមេរិក​សម្រាប់​មូលនិធិ​នៃ​ការសិក្សា​ពីជំងឺ​វះកាត់​ត្រចៀក និង​បំពង់ក ក្បាល និងក។

គោលការណ៍​ណែនាំ បង្ហាញ​ពី «គួរ និង​មិនគួរ​ធ្វើ» អំពី​ការថែទាំ​ត្រចៀក ជាពិសេស ការ​ក្រើន​ព្រមាន​អំពី​ការប្រើ​ឧបករណ៍​តូចរឹង​ចាក់រន្ធ​ត្រចៀក។ គោលការណ៍​បន្ដថា៖ «កុំ! សម្អាត​ត្រចៀក​ញឹកញាប់​ពេក​ពីព្រោះ​វា​អាចធ្វើ​ឲ្យប៉ះពារ និងរលាក​រន្ធ​ត្រចៀក និង​ថែមទាំង​បង្កើន​ហានិភ័យ​នៃការ​កក​ក្រាំង​អាចម៍ត្រចៀក»។

សារ​ព្រមាន​បន្ដថា៖ «សំឡី​ត្បារ​ត្រចៀក តង្កៀប​កៀបសក់ កូនសោ និង​ឈើ​ចាក់ធ្មេញ វត្ថុទាំងនេះ​អាច​បង្ក​របួស​ដល់​ត្រចៀក ហើយ​អាច​បង្កឲ្យ​ដាច់​រលាត់​ក្រដាស​ត្រចៀក និង​ធ្វើឲ្យ​រំកិល​ឆ្អឹងត្រចៀក នាំឲ្យ​ស្ដាប់​លែងឮ និងបញ្ហា​ត្រចៀកផ្សេង»។

នៅពេល​ចង់សម្អាត​ត្រចៀក គោលការណ៍​ណែនាំ​បាន​បង្ហាញថា អាចម៍​ត្រចៀក​អាច​ដើរតួនាទី​ជាអ្នក​សម្អាត​ត្រចៀក​ឲ្យមាន​សុខភាព​ល្អ​ដោយ​ខ្លួនឯង ហើយ​សកម្មភាព​ទាំងនោះ​កើតឡើង​ពីការ​ទំពា ចលនា​ថ្គាម និងការ​ងូតទឹក​សម្អាតខ្លួន​ជាប្រចាំ។

ពេល​ដំណើរ​ការសម្អាត​ត្រចៀក​ខ្លួនឯង​មិនមាន​ប្រសិទ្ធ​ភាពប្រសើរ​នាំ​ឲ្យមាន​កំណក​អាចម៍ត្រចៀក (ជាមធ្យម​ក្មេង​ម្នាក់​ចំណោម ១0 នាក់ និង​មនុស្ស​ធំម្នាក់​ចំណោម ២០ នាក់) គួរ​ទៅជួប​អ្នកជំនាញ​ព្យាបាល៕HR

0

Comments

Please, login or register to post a comment

ព័ត៌មានពាក់ព័ន្ធ