.jpg)
ដំណេកគ្រប់គ្រាន់ និងលក់ស្កប់ស្កល់ ដើរតួនាទីយ៉ាងសំខាន់ ក្នុងការបង្កើនចំណង់ផ្លូវភេទ។
ក្រុងឡុងដ៍: ពេទ្យជំនាញសុខភាពផ្លូវភេទដ៏ល្បីម្នាក់ បានព្រមានអំពីការកើនឡើងចំពោះអ្នកជំងឺដែលមកជួបលោកដោយសារតែធ្វើការធុញទ្រាន់ពេក និងកើតរោគស្រេ្តសភ្លេចរឿងភេទសម្ព័ន្ធ។
ការស្ទង់មតិមួយបានបង្ហាញថា មនុស្ស ៦ នាក់ក្នុងចំណោម ១០ នាក់ នឿយណាយនឹងសិចពេលត្រឡប់ពីបំពេញការងារនឿយហត់។ វេជ្ជបណ្ឌិត ដាវីដ អេដវើដស៍ ដែលបានសិក្សានៅក្នុងក្រុង Chipping Norton តំបន់ Oxfordshire ព្រមានថា ការងារស្មុគស្មាញ ជាបញ្ហាដែលអាចប៉ះពាល់ដល់ចំណង់ស្នេហា និងសុភមង្គលទូទៅ។
ដំណឹងល្អគឺថា មានវិធីផ្លាស់ប្ដូរងាយៗ តែមានប្រយោជន៍ ដែលជួយលើកកម្ពស់ជីវិតស្នេហា និងសុខភាពទូទៅផងដែរ។
១. ឆ្លៀតសម្រាកបន្ដិច
ចូរចៀសឆ្ងាយពីកត្ដានាំឲ្យកើតរោគស្រេ្តសស្មុគចិត្ដ ទោះបីជាវាមួយពេលខ្លីយ៉ាងណាក៏ដោយ។ ការធ្វើដំណើរផ្លូវឆ្ងាយពីផ្ទះ អាចបន្ថែមសម្ពាធផ្លូវអារម្មណ៍ បើអ្នកជួបបញ្ហាស្មុគស្មាញក្នុងចិត្ដរួចហើយនោះ។ ងូតទឹកជាមួយគ្នា រួចម៉ាស្សា និងឡើងគ្រែ បន្ទាប់មក អាហារពេលល្ងាចក្រោមពន្លឺភ្លើងទៀននៅក្នុងផ្ទះអាចបង្កើនឱកាសប្លែកអារម្មណ៍ដ៏សម្បើម។
២. ជម្រើសអាហារត្រឹមត្រូវ
ពេលអត់ពេលទទួលទាន ជីវជាតិក៏មិនសូវសម្បូរ។ វាបង្កើតជាទម្លាប់វិលវល់ ព្រមទាំងបង្កើនកម្រិតស្រេ្តស បន្ថយថាមពល និងចំណង់ផ្លូវភេទ។
ដូច្នេះ ការបង្កើនរបបអាហារត្រឹមត្រូវដែលវាអាចជួយបង្កើនកម្រិតអ័រម៉ូនសប្បាយៗ ក៏អាចជួយបង្កើតអារម្មណ៍ស្ងប់សុខ និងផ្លូវចិត្ដជ្រះថ្លា ជាមួយអាហារសាមញ្ញៗមួយចំនួន ដូចជា ស៊ុត ផ្លែឈើ សាលាដ និងត្រីសាល់ម៉ុនជាដើម។
អារម្មណ៍ស្មុគស្មាញនឹងការងារធ្វើឲ្យចំណង់ផ្លូវភេទធ្លាក់ចុះខ្លាំង។
៣. សម្រាកបាយថ្ងៃត្រង់
ចំណាយពេលដើរ ៣០ នាទីលេងៗនៅពេលម៉ោងបាយ បង្កើនកម្រិតសកម្មភាពរាល់ថ្ងៃ ដែលអាចជំរុញអារម្មណ៍ និងជំនឿចិត្ដកាន់តែប្រសើរ។
៤. ជជែកគ្នាលេង
បើវេលាឱសានវាទនឹងមកដល់ឆាប់ៗ ការបន្ថែមម៉ោងធ្វើការដល់យប់ជ្រៅត្រូវចៀសមិនផុត។ ប៉ុន្ដែវាសំខាន់ដែរក្នុងការទប់ទល់អារម្មណ៍អន់ចិត្ដអន់ថ្លើមពីដៃគូ។ ការផ្ញើសារបញ្ជាក់ក្ដីនឹករឭកពីកន្លែងការងារអាចជួយរក្សាភាពស្និទ្ធស្នាលតាមផ្លូវចិត្ដដែលអាចទ្រទ្រង់ជីវិតសិចដ៏រស់រវើក។
៥. បង្កើនម៉ោងដំណេក
ដំណេកមិនគ្រប់គ្រាន់រាល់រាត្រីរយៈពេលយូរនាំឲ្យមានអារម្មណ៍ចុះខ្សោយ និងមិនទៀងទាត់ ហើយភាពនឿយហត់ក៏នឹងគ្របសណ្ឋិតលើជីវិតសិចផងដែរ។ ចូរសាកញ៉ាំទឹកដោះគោមួយកែវមុនចូលគេងដើម្បីដាស់អ័រម៉ូនដំណេក ឬបន្ថែមចេកកន្លះផ្លែ ដើម្បីជួយឲ្យដំណេកស្កប់ស្កល់៕HR
