ក្រុង យ៉ាំងហ្គោនៈ ប្រធាន​ជាន់​ខ្ពស់​នៃ​នាយកដ្ឋាន​អាកាសចរណ៍​ស៊ីវិល​របស់ មីយ៉ាន់ម៉ា (DCA) បាន​ប្រាប់​សារព័ត៌មាន The Myanmar Times ថា ក្រុមហ៊ុន​ជា​ដៃគូ​របស់ សិង្ហបុរី មួយ​ត្រូវ​បាន​កោះ​ហៅ​ឲ្យ​ចូល​រួម​ប្រកួត​ប្រជែង​ក្នុង​គម្រោង​តម្លៃ ១,១ ពាន់​លាន​ដុល្លារ​ដើម្បី​សាង​សង់​អាកាសយានដ្ឋាន​ថ្មី​មួយ​នៅ​ក្បែរ​ទីក្រុង យ៉ាំងហ្គោន បន្ទាប់​ពី​ក្រុមហ៊ុន​ដែល​បាន​ឈ្នះ​ការ​ដេញ​ថ្លៃ​មុន​មក​ពី​ប្រទេស កូរ៉េ​ខាង​ត្បូង មិន​អាច​ឆ្លើយ​តប​តាម​លក្ខខណ្ឌ​ពិសេស​របស់​រដ្ឋាភិបាល មីយ៉ាន់ម៉ា បាន​ចំពោះ​គម្រោង​អភិវឌ្ឍន៍​អាកាសយានដ្ឋាន​នេះ។