Search form

Login - Register | FOLLOW US ON

Logo of Phnom Penh Post newspaper Phnom Penh Post - ក្រុមហ៊ុន AirAsia X បោះ​ផ្សាយ​លក់​មូលបត្រ​៣៧០​លាន​ដុល្លារ

ក្រុមហ៊ុន AirAsia X បោះ​ផ្សាយ​លក់​មូលបត្រ​៣៧០​លាន​ដុល្លារ

130611_15c
លោក Azran (ទី ៥ ពីស្តាំ) ក្នុងថ្ងៃចេញផ្សាយឯកសារបង្ហាញព័ត៌មាន AFP

ក្រុង គូឡាំឡាំពួៈ ក្រុមហ៊ុន​អាកាស​ចរណ៍​ផ្តល់​សេវា​ហោះ​ហើរ​ចម្ងាយ​ឆ្ងាយ AirAsia X Bhd គ្រោង​នឹង​ប្រមូល​ថវិកា​ចំនួន ៣៧០​លាន​ដុល្លារ​តាម​រយៈ​ការ​បោះ​ផ្សាយ​លក់​មូលបត្រ​ជា​សាធារណៈ​លើក​ដំបូង (IPO) នៅ​ប្រទេស​ម៉ាឡេស៊ី ដើម្បី​ផ្តល់​មូលនិធិ​ដល់​ការ​ពង្រីក​អាជីវកម្ម​របស់​ខ្លួន​នៅ​ពេល​មាន​កំណើន​តម្រូវ​ការ​ធ្វើ​ដំណើរ​ច្រើន។

វិនិយោគិន​ជា​ស្ថាប័ន​អាច​ដាក់​សំណើ​សូម​ទិញ​យក​ភាគ​ហ៊ុន​របស់​ក្រុមហ៊ុន​អាកាស​ចរណ៍​ដែល​មាន​មូលដ្ឋាន​នៅ​ទីក្រុង Sepang ក្នុង​ប្រទេស​ម៉ាឡេស៊ី​នេះ​ក្នុង​តម្លៃ​ចន្លោះ​ពី​១,១៥ រីងហ្គីដ ដល់​១,៤៥​រីងហ្គីដ​ក្នុង​មួយ​ហ៊ុន​។ នេះ​បើ​យោង​តាម​ឯកសារ​ស្តី​ពី​លក្ខខណ្ឌ​ចូល​រួម​ដេញ​ថ្លៃ ដែល​ទីភ្នាក់ងារ​ព័ត៌មាន Bloomberg ទទួល​បាន។

ចំពោះ​តម្លៃ​ភាគ​ហ៊ុន​សម្រាប់​លក់​ឲ្យ​ក្រុម​វិនិយោគិន​ជា​បុគ្គល​វិញ​ត្រូវ​បាន​កំណត់​តម្លៃ​១,៤៥​រីងហ្គីដ។ នេះ​បើ​យោង​តាម​ឯកសារ​បាន​ចុះ​បញ្ជី​ដែល​សារ​ព័ត៌មាន the Star ទទួល​បាន​កាល​ពី​ថ្ងៃ​ម្សិលមិញ​។

ក្រុមហ៊ុន AirAsia X Bhd គឺជា​ក្រុមហ៊ុន​បុត្រ​សម្ព័ន្ធ​មួយ​របស់​ក្រុមហ៊ុន​អាកាស​ចរណ៍ AirAsia Berhad ដែល​ផ្តល់​សេវា​ហោះ​ហើរ​តម្លៃ​ថោក​ធំ​ជាង​គេ​នៅ​តំបន់ អាស៊ី។

ក្រុមហ៊ុន AirAsia X Bhd បាន​ឲ្យ​ដឹង​ថា ថវិកា​ដែល​ទទួល​បាន​ពីការ​បោះ​ផ្សាយ​លក់​មូលបត្រ​ជា​សាធារណៈ​លើក​ដំបូង​នេះ​នឹង​ជួយ​ទូទាត់​ប្រាក់​ដែល​ក្រុមហ៊ុន​នេះ​ជំពាក់​ធនាគារ ព្រម​ទាំង​បង្កើត​មជ្ឈមណ្ឌល​ហោះ​ហើរ​ថ្មីៗ។ លោក Azran Osman-Rani នាយក​ប្រតិបត្តិ​ក្រុមហ៊ុន AirAsia X មាន​បំណង​ពង្រីក​អាជីវកម្ម​ដើម្បី​ទប់​ស្កាត់​ការ​ប្រកួត​ប្រជែង​នឹង ក្រុមហ៊ុន Scoot ដែល​ផ្តល់​សេវា​ហោះ​ហើរ​ចម្ងាយ​ឆ្ងាយ​និង​មាន​តម្លៃ​ថោក។ ក្រុមហ៊ុន Scoot បាន​ចាប់​ផ្តើម​ផ្តល់​សេវា​ហោះ​ហើរ​កាល​ពី​ឆ្នាំ​មុន និង​ជា​ក្រុមហ៊ុន​បុត្រ​សម្ព័ន្ធ​របស់​ក្រុមហ៊ុន​អាកាស​ចរណ៍ Singapore Airlines Ltd។

កំណើន​សេដ្ឋកិច្ច​ខ្ពស់​នៅ​ទូទាំង​តំបន់​អាស៊ី​បាន​ជំរុញ​ឲ្យ​មាន​ការ​ធ្វើ​ដំណើរ​ច្រើន ដោយ​ជំរុញ​ឲ្យ​ក្រុមហ៊ុន​អាកាស​ចរណ៍​ដែល​ផ្តល់​សេវា​ហោះ​ហើរ​តម្លៃ​ថោក​យ៉ាង​ហោច​ណាស់​១៥​ក្រុមហ៊ុន​ចាប់​ផ្តើម​ប្រតិបត្តិការ​ក្នុង​រយៈ​ពេល​១​ទសវត្សរ៍​ចុង​ក្រោយ​នេះ។

យោង​តាម​ឯកសារ​ចុះ​បញ្ជី​ដដែល​នេះ​បាន​បន្ត​ឲ្យ​ដឹង​ថា ក្រុមហ៊ុន​អាកាស​ចរណ៍​មួយ​នេះ នឹង​លក់​ភាគ​ហ៊ុន​របស់​ខ្លួន​ចំនួន ១០,៦​ភាគរយ សម្រាប់​វិនិយោគិន​ជា​បុគ្គល និង​១៤,៤​ភាគរយ​ទៅ​ឲ្យ​វិនិយោគិន​ជា​ស្ថាប័ន៕ BP

0

Comments

Please, login or register to post a comment