Search form

Login - Register | FOLLOW US ON

Logo of Phnom Penh Post newspaper Phnom Penh Post - កម្ពុជា ​ជប៉ុន ​បង្កើន​ពាណិជ្ជកម្ម​ឲ្យ​ដល់ ​$២ ​ពាន់​លាន

Content image - Phnom Penh Post
សកម្ម​ភាព​លើក​ដាក់​ទូ​កុងតឺន័រ​នៅ​កំពង់ផែ​ស្វយ័ត​ក្រុង​ព្រះសីហនុ​នា​ពេល​កន្លង​មក។ កម្ពុជា ជប៉ុន​សន្យា​បង្កើន​ពាណិជ្ជកម្ម​ទ្វេ​ភាគី។ ហេង ជីវ័ន

កម្ពុជា ​ជប៉ុន ​បង្កើន​ពាណិជ្ជកម្ម​ឲ្យ​ដល់ ​$២ ​ពាន់​លាន

ភ្នំពេញៈ កម្ពុជា និង​ជប៉ុន ​បាន​សន្យា​ថា​នឹង​បង្កើន​ទំហំ​ពាណិជ្ជកម្ម​ទ្វេភាគី​ឲ្យ​ដល់​ ២ ពាន់​លាន​ដុល្លារ​នៅ​ឆ្នាំ​ខាង​មុខ​។ នេះ​បើ​យោង​តាម​ការ​ចុះ​ផ្សាយ​នៅ​លើ​ទំព័រ​ហ្វេស​ប៊ុក​របស់​លោក​នាយក​រដ្ឋ​មន្ត្រី​ កាល​ពី​ថ្ងៃ​ម្សិលមិញ​។

ការ​សន្យា​នេះ​ធ្វើ​ឡើង​រវាង​លោក​នាយក​រដ្ឋ​មន្ត្រី ហ៊ុន សែន និង​លោក​នាយក​រដ្ឋ​មន្ត្រី ជប៉ុន ស៊ីនហ្សូ អាបេ ក្នុង​ដំណើរ​ទស្សន​កិច្ច​រយៈពេល​ ៤ ​ថ្ងៃ​ទៅ​ជប៉ុន​។

លោក​នាយក​រដ្ឋ​មន្ត្រី​បាន​ឲ្យ​ដឹង​នៅ​ក្នុង​ទំព័រ​ហ្វេស​ប៊ុក​របស់​លោក​ថា​៖ «​ខ្ញុំ និង​លោក​នាយក​រដ្ឋ​មន្ត្រី Abe នឹង​បន្ត​ខិតខំ​ជំរុញ​បង្កើន​ទំហំ​ពាណិជ្ជកម្ម​រវាង​ប្រទេស​យើង​ទាំង​ពីរ​ឲ្យ​កើន​ឡើង [​ដល់​] ជាង ២ ០០០ លាន​ដុល្លារ​នៅ​ឆ្នាំ​ខាង​មុខ​»​។

ពាណិជ្ជកម្ម​ទ្វេ​ភាគី​រវាង​កម្ពុជា និង​ជប៉ុន ​កាលពី​ឆ្នាំ ​២០១៦ មាន​ជាង​ ១,៥ ពាន់​លាន​ដុល្លារ ក្នុងនោះ​ក្នុង​ការ​នាំ​ចេញ​របស់​កម្ពុជា​ទៅ​ជប៉ុន​ មាន​ជាង ​១,២​ ពាន់​លាន​ដុល្លារ ខណៈ​ការ​នាំ​ចូល​របស់​ជប៉ុន​ មក​កម្ពុជា​ មាន​តែ​ជាង​ ៣០០ ​លាន​ដុល្លារ​ប៉ុណ្ណោះ​។ នេះ​បើ​យោង​តាម​ទិន្នន័យ​ពី​អង្គការ​ពាណិជ្ជកម្ម​ពី​អង្គការ​ពាណិជ្ជកម្ម​ក្រៅ​ប្រទេស​ជប៉ុន (JETRO)​។

ទោះ​បី​យ៉ាង​នេះ​ក្តី កំណើន​នៃ​ការ​នាំ​ចេញ​របស់​កម្ពុជា​ទៅ​ជប៉ុន​ បាន​ថយ​ចុះ​នៅ​ឆមាស​ទីមួយ​ឆ្នាំ​ ២០១៧​ ដោយ​មាន​អត្រា​កំណើន​ប្រចាំ​ឆមាស​តែ​ ៤,៥ ភាគរយ​ប៉ុណ្ណោះ គឺ​មាន​តម្លៃ​ជា​ប្រមាណ​ ៥៩១​ លាន​ដុល្លារ ដែល​ជា​កំណើន​ទាប​ជាង​គេ​គិតពី​ឆ្នាំ​ ២០០៩​។

តាម​លោក​នាយក​រដ្ឋ​មន្ត្រី ហ៊ុន សែន ជប៉ុន​ក៏​បាន​សន្យា​ថា​នឹង​ជួយ​កម្ពុជា​ឲ្យ​ក្លាយ​ទៅ​ជា​ប្រទេស​មាន​ប្រាក់​ចំណូល​មធ្យម​កម្រិត​ខ្ពស់​នៅ​ឆ្នាំ ២០៣០ ផង​ដែរ​។

ក្នុង​ដំណើរ​ទស្សនកិច្ច​នេះ កម្ពុជា​នឹង​ជប៉ុន បាន​ចុះ​អនុស្សរណៈ​លើ​ឯកសារ​សំខាន់ៗ​ចំនួន​ពីរ​ដែល​មាន​ទឹក​ប្រាក់​ជាង​ ២៤៤ ​លាន​ដុល្លារ សម្រាប់​អនុវត្ត​គម្រោង​ប្រព័ន្ធ​ការពារ​ ទឹក​ជំនន់ ទីក្រុង​ភ្នំពេញ និង​គម្រោង​អភិវឌ្ឍន៍​ចំណត​កំពង់ផែ​ក្រុង​ព្រះសីហនុ និង​បាន​ស្នើ​ជប៉ុន​ជួយ​សាងសង់​ផ្លូវ​រថភ្លើង ស្វ័យ​ប្រវត្តិ (Sky Train) នៅ​ក្រុង​ភ្នំពេញ​។

លោក​នាយក​រដ្ឋ​មន្ត្រី ហ៊ុន សែន ក៏​បាន​ជួប​ជាមួយ​តំណាង​ក្រុមហ៊ុន​ជប៉ុន​ជាច្រើន​រយ​នាក់​ដែល​ចាប់​អារម្មណ៍​ក្នុង​ការ​មក​វិនិយោគ​នៅ​កម្ពុជា​ផង​ដែរ​ដោយ​រំពឹង​ថា​នឹង​មាន​ការ​វិនិយោគ​កាន់​តែ​ច្រើន​របស់​ជប៉ុន​មក​កម្ពុជា​។

យោង​តាម​ទិន្នន័យ​ពី​ក្រុម​ប្រឹក្សា​អភិវឌ្ឍន៍​កម្ពុជា (CDC) កាល​ពី​ឆ្នាំ ២០១៦ CDC បាន​ផ្តល់​សិទ្ធិ​ដល់​គម្រោង​វិនិយោគ​ជប៉ុន​ដែល​មាន​តម្លៃ​ជាង ៨២២ លាន​ដុល្លារ​៕

0

Comments

Please, login or register to post a comment