សៀមរាបៈ IFAD បាន​ចូលរួម​នៅក្នុង​វិស័យ​កសិកម្ម​កម្ពុជា​ប្រហែល​២០​មក​ហើយ​តាំងពី​ឆ្នាំ​១៩៩៦ និង​បាន​ផ្ដោត​លើ​គម្រោង​ធំៗ​បី​ដូចជា​ការ​កែលម្អ​ជីវភាព​រស់នៅ​តាម​ជនបទ​ដែល​កំពុង​ធ្វើ​ការងារ​ជាមួយ​ជនជាតិ​ដើម ពិសេស​នៅ​ខេត្ត​រតនគិរី ខេត្ត​ព្រះវិហារ និង​ខេត្ត​ក្រចេះ ទី​ពីរ​គឺ​គម្រោង​សម្រាប់​ការ​អភិវឌ្ឍ​កសិកម្ម និង​ពង្រឹង​អំណាច​សេដ្ឋកិច្ច ​(PADEE​) ដែល​គាំទ្រ​ដល់​ក្រុម​ជួយ​ខ្លួនឯង​សម្រាប់​គ្រួសារ​ក្រីក្រ​ខ្លាំង​ដែល​កំពុង​ផ្ដោតលើ​ការ​បង្ក​បង្កើន​ផលស្រូវ បសុសត្វ អាជីវកម្ម និង​ការ​ផ្ដល់​ឥណទាន​ខ្នាត​តូច ហើយ​ទី​៣​គឺ​គម្រោង​កាត់បន្ថយ​ភាព​ក្រីក្រ​តាម​បឹង​ទន្លេសាប និង​ការ​អភិវឌ្ឍ​អ្នក​មាន​ដើមទុន​តូច​ជាមួយ ADB ស្ដីពី​ស្រូវ ហេដ្ឋារចនា​សម្ព័ន្ធ និង​ធារាសាស្ដ្រ​។