Search form

Login - Register | FOLLOW US ON

Logo of Phnom Penh Post newspaper Phnom Penh Post - កាណាដា យល់​ព្រម​ពិភាក្សា FTA នឹង​អាស៊ាន

កាណាដា យល់​ព្រម​ពិភាក្សា FTA នឹង​អាស៊ាន

ភ្នំពេញៈ កាណាដា​បាន​យល់​ព្រម​ក្នុង​ការ​ចាប់​ផ្ដើម​ពិភាក្សា​ស្វែងរក​កិច្ច​ព្រម​ព្រៀង​ពាណិជ្ជកម្ម​សេរី (FTA) ជាមួយ​បណ្ដា​ប្រទេស​សមាជិក​អាស៊ាន​ទាំង ​១០​។ នេះ​បើ​យោង​តាម​សេចក្ដី​ប្រកាស​ពី​ម្សិលមិញ​ដោយ​ក្រុម​ប្រឹក្សា​ពាណិជ្ជកម្ម​កាណាដា អាស៊ាន (CABC)​។

សេចក្ដី​ប្រកាស​នេះ​ធ្វើ​ឡើង​ខណៈ​ក្រុម​គណៈប្រតិភូ​នៃ​ប្រទេស​ជា​សមាជិក​អាស៊ាន​ដែល​បាន​ចូលរួម​ក្នុង​កិច្ច​ប្រជុំ​លើក​ទី​ ៩ ​នៃ​ក្រុម​រដ្ឋមន្ដ្រី​សេដ្ឋកិច្ច​អាស៊ាន​នៅ​ទីក្រុង​ ម៉ានីល កាលពី​ចុង​សប្ដាហ៍​មុន ដែល​មន្ដ្រី​របស់​ប្រទេស​កាណាដា​បាន​រៀបចំ​កិច្ច​ប្រជុំ​ពិភាក្សា​ដោយ​បាន​យល់​ព្រម​ឲ្យ​ភាគី​ទាំង​ពីរ​សិក្សា​ស្វែងរក​លទ្ធភាព​សម្រាប់ FTA កាណាដា​អាស៊ាន​។

ប្រទេស​ កាណាដា ​បាន​ចាប់​ផ្ដើម​ការ​ពិភាក្សា​ស្ដីពី FTA ជា​លើក​ដំបូង ជាមួយ​អាស៊ាន​ កាលពី​ឆ្នាំ​ ២០១៦​។

សេចក្ដី​ប្រកាស​ដោយ​សភា​ពាណិជ្ជកម្ម​របស់​កាណាដា ឲ្យ​ដឹង​ថា​៖ «​វិធានការ​នេះ​គឺជា​ការ​បង្ហាញ​ថា កាណាដា និង​អាស៊ាន​ទទួល​ស្គាល់​យ៉ាង​ច្បាស់​ពី​សក្ដានុពល​ដ៏​ធំ​រវាង​តំបន់​របស់​យើង​»​។

តាម​របាយ​ការណ៍ ​CABC ពាណិជ្ជកម្ម​ទ្វេភាគី​រវាង​កាណាដា និង​អាស៊ាន​មាន​តម្លៃ​ចន្លោះ​ពី​ ៣,៩​ ពាន់​លាន​ដុល្លារ​ដល់​ ៨,៩​ ពាន់​លាន​ដុល្លារ​ក្នុង​រយៈពេល​ ១០ ​ឆ្នាំ​ដំបូង​នេះ៕ LA

0

Comments

Please, login or register to post a comment