ភ្នំពេញៈ សមាគម​ដឹក​ជញ្ជូន​តាម​ផ្លូវ​អាកាស​អន្តរជាតិ​(IATA) បាន​ឲ្យ​ដឹង​នៅ​ក្នុង​សេចក្ដី​ប្រកាស​ព័ត៌មាន​មួយ​កាល​ពី​សប្តាហ៍​មុន​ថា តម្រូវ​ការ​ដឹក​ជញ្ជូន​ទំនិញ​តាម​ផ្លូវ​អាកាស​របស់​ពិភពលោក​បាន​កើន​ឡើង​១០,៤​ភាគរយ​ក្នុង​អំឡុង​ឆមាស​ទី​១​ឆ្នាំ​២០១៧ ធៀប​នឹង​រយៈ​ពេល​ដូច​គ្នា​កាលពី​ឆ្នាំ​មុន ដែល​បង្ហាញ​តម្រូវ​ការ​ខ្លាំង​បំផុត​សម្រាប់​ការ​ដឹក​ទំនិញ​តាម​ផ្លូវ​អាកាស ដោយ​សារ​ការ​ស្ទុះ​ងើប​ឡើង​វិញ​ពី​វិបត្តិ​ហិរញ្ញវត្ថុ​ពិភព​លោក រយៈពេល​៧​ឆ្នាំ​កន្លង​មក​កាល​ពី​ឆ្នាំ​២០១០​។