.jpg)
លោក Pascal Ly ជាតំណាងប្រចាំប្រទេសរបស់ក្រុមហ៊ុនហៅតាក់ស៊ីជិះ Uber ក្នុងបទសម្ភាសជាមួយភ្នំពេញ ប៉ុស្តិ៍ ។ រូបថត Robin Spiess
ភ្នំពេញៈ Uber ជាក្រុមហ៊ុនហៅតាក់ស៊ីជិះ បានប្រកាសអ្នកគ្រប់គ្រងទូទៅថ្មីនៅក្នុងប្រទេសកម្ពុជាកាលពីសប្តាហ៍មុន ដោយបានតែងតាំងលោក Pascal Ly ជាតំណាងប្រចាំប្រទេសរបស់ក្រុមហ៊ុននេះ។
លោក Pascal Ly បានជួបជាមួយអ្នកយកព័ត៌មានភ្នំពេញប៉ុស្ដិ៍ Robin Spiess ដើម្បីបង្ហាញពីរបៀបដែលលោកនឹងដឹកនាំក្រុមហ៊ុន Uber តាមរយៈទីផ្សារហៅតាក់ស៊ីជិះដែលកើនឡើងខ្លាំងរបស់ប្រទេសកម្ពុជានេះ។
តើប្រតិបត្តិការរបស់ក្រុមហ៊ុន Uber នៅកម្ពុជាបច្ចុប្បន្នដូចម្ដេច?
ក្រុមហ៊ុននេះ កំពុងតែដំណើរការល្អ ដោយសារតែយើងកំពុងមើលឃើញនិន្នាការនៅក្នុងទិសដៅត្រឹមត្រូវ ទាក់ទងនឹងចំនួនអ្នកបើកបរដែលចូលរួមក្នុងកម្មវិធីរបស់យើង និងទាក់ទងជាមួយអ្នកជិះដែលប្រើប្រាស់សេវារបស់យើងជារៀងរាល់សប្ដាហ៍។ ជាទូទៅ ការផ្ដល់ព័ត៌មានត្រឡប់គឺវិជ្ជមានខ្លាំង។ ពិតហើយ មានតំបន់មួយចំនួន ដែលយើងចាំបាច់ត្រូវកែលម្អ ប៉ុន្តែនោះ គឺជាដំណើរការបន្តទៅមុខ។
តើក្រុមហ៊ុន Uber មានផែនការពង្រីកនៅក្នុងប្រទេសកម្ពុជាដូចម្តេចដែរ?
ទាក់ទងនឹងការពង្រីក អាទិភាពរបស់ខ្ញុំនឹងធានា យើងកំពុងធ្វើរឿងត្រឹមត្រូវសម្រាប់ទីក្រុង និងអ្នកប្រើប្រាស់។ ការពង្រីកនឹងធ្វើឡើងជាធម្មតា ដោយសារតែយើងមានភាពចាស់ទុំ យើងមានអាយុពីរបីខែប៉ុណ្ណោះនៅក្នុងទីផ្សារនេះ ដូច្នេះយើងចាំបាច់ត្រូវដំណើរការជាជំហានៗ ដើម្បីធានាថា យើងកំពុងធ្វើត្រឹមត្រូវ។ ខ្ញុំនឹងធានាថា ខ្ញុំនឹងផ្ដល់បទពិសោធអ្នកប្រើប្រាស់ត្រឹមត្រូវសម្រាប់អ្នកបើកបរ និងអ្នកជិះ ហើយនៅពេលអនាគតនឹងប្រើប្រាស់ព័ត៌មាននេះក្នុងការសម្រេចចិត្ត ប្រសិនបើយើងចង់ពង្រីក។ ការពង្រីកទៅកាន់ទីក្រុងផ្សេងទៀតគឺកំពុងស្ថិតក្នុងផែនការ ប៉ុន្តែប្រសិនបើយើងមិនទាន់រួចរាល់ គឺមើលទៅ វាមិនទំនង យើងនឹងមិនទាន់ទៅកន្លែងផ្សេងដែលនឹងចំណាយច្រើននោះទេ។
តើនរណាជាគូប្រកួតប្រជែងដ៏សំខាន់របស់អ្នកនៅក្នុងទីផ្សារនេះ?
ខ្ញុំចង់និយាយថាគឺពួកគេទាំងអស់។ យើងមានអ្នករកស៊ីក្នុងស្រុកដែលនៅទីនេះក្នុងរយៈពេលខ្លី និងអ្នកដែលបានផ្ដួចផ្ដើមទម្លាប់សម្រាប់អ្នកប្រើប្រាស់ឲ្យយល់ពីអ្វីជាកម្មវិធីហៅតាក់ស៊ីជិះ។ បន្ទាប់មកយើងមានក្រុមហ៊ុនអន្តរជាតិចូលមកផងដែរ ដែលព្យាយាមស្វែងរកទីផ្សារនេះ។ តាមយោបល់របស់ខ្ញុំ យើងកំពុងស្ថិតនៅក្នុងដំណាក់កាលដំបូងនៅក្នុងទីផ្សារកម្ពុជា ហើយដៃគូប្រកួតប្រជែងទាំងអស់របស់យើងមានសារៈសំខាន់ស្មើគ្នាចំពោះខ្ញុំក្នុងការគោរព។
តើអ្នកមើលឃើញតម្រូវការខ្លាំងសម្រាប់សេវាហៅតាក់ស៊ីជិះនៅទីក្រុងភ្នំពេញឬ?
ប្រសិនបើអ្នកមិនប្រើប្រាស់កម្មវិធីណាមួយនោះទេ អ្នកមិនអាចរកបានតាក់ស៊ីណាមួយនៅលើផ្លូវដើម្បីហៅជិះដោយងាយស្រួលនោះទេ។ នៅពេលអ្នកហៅរ៉ឺម៉កម៉ូតូជិះ អ្នកត្រូវតែចរចាតម្លៃជាមួយនឹងពួកគេ ហើយការចរចានោះ គឺនឿយហត់ខ្លាំងណាស់។ ចូរចងចាំថា កម្មវិធីហៅតាក់ស៊ីជិះក្នុងស្រុកធ្វើឲ្យមានការយល់ដឹងសម្រាប់ទីផ្សារកម្ពុជា។ ដំណាក់កាលដំបូង នៃការសាកល្បងទីផ្សាររបស់ក្រុមហ៊ុន Uber នៅទីនេះទទួលបានជោគជ័យ ដូច្នេះមានតម្រូវការគ្រប់គ្រាន់ក្នុងការមានទីផ្សារដ៏រឹងមាំនៅទីនេះនៅទីក្រុងភ្នំពេញ។
តើការពិភាក្សាជាមួយរដ្ឋាភិបាលដំណើរការដូចម្តេចដែរ?
រដ្ឋាភិបាលបានឆ្លើយតបវិជ្ជមាន ចំពោះការពិភាក្សារបស់យើង ដូច្នេះប្រតិបត្តិការរបស់យើងមានភាពរលូនខ្លាំង។ មិនមានភាពតានតឹងនោះទេ។ វាជាការសន្ទនាកំពុងបន្ត ដែលយើងបន្តធ្វើជាមួយពួកគេ ដើម្បីធានាថា ពួកគេ ដឹងពីអ្វីដែលកំពុងកើតឡើង។ យើងចាំបាច់ត្រូវធ្វើការងារយ៉ាងជិតស្និទ្ធជាមួយពួកគេដើម្បីធានាថា អ្វីៗគ្រប់យ៉ាងដំណើរការប្រសើរ។
ក្រុមហ៊ុន Grab ទើបនឹងចូលក្នុងទីផ្សារនេះ តើក្រុមហ៊ុនអ្នកមានផែនការអ្វីទេនៅពេលនេះ?
ប្រជាជនកំពុងប្រើប្រាស់កម្មវិធីក្នុងស្រុករួចហើយ នៅពេលក្រុមហ៊ុន Uber បានចូលមកទីនេះ។ ការពិតដែលថា អ្នករកស៊ីអន្តរជាតិផ្សេងទៀតនឹងចូលមកគ្រាន់តែបង្ហាញខ្ញុំពីទីកន្លែងពិតប្រាកដដែលយើងចាំបាច់ត្រូវនៅ។ ការប្រកួតប្រជែងគឺល្អ ដោយសារតែវាជួយដល់ពួកយើងក្នុងការបន្ថែមព័ត៌មានពីទីផ្សារការហៅតាក់ស៊ីជិះ។
តើមានការលើកទឹកចិត្តដល់អ្នកបើកបរឬទេ?
យើងបានប្រកាសថា យើងនៅទីនេះ ហើយបានស្នើឲ្យអ្នកបើកបរទាំងនោះ មករកពួកយើងដើម្បីចុះឈ្មោះធ្វើជាអ្នកបើកបរ។ មានការទំនាក់ទំនងដោយផ្ទាល់មាត់ជាច្រើនផងដែរ ដោយសារតែនៅពេលអ្នកបើកបរមានបទពិសោធល្អ ជាមួយពួកយើង ពួកគេមានចំណាប់អារម្មណ៍ក្នុងការប្រាប់មិត្តភកិ្ដរបស់ពួកគេឲ្យចូលរួម។ វាជាស្ថានការណ៍ដែលផ្សព្វផ្សាយបានយ៉ាងរហ័ស។
អ្នកបើកបររបស់យើងភាគច្រើនគឺជាអ្នកបើកបរតាក់ស៊ីផងដែរ ដូច្នេះការពិតដែលថា យើងអាចផ្ដល់ដល់ពួកគេនូវឱកាសការងារកាន់តែច្រើនដែលផ្ដល់ដល់ពួកគេនូវឱកាសក្នុងការរកប្រាក់ចំណូលបានកាន់តែខ្ពស់។ ពេលនេះអ្នកបើកបរមានប្រាក់ចំណូលដែលបត់បែនបានកាន់តែច្រើន ហើយវាផ្ដល់ដល់ពួកគេនូវការយល់ដឹងពីសេរីភាព និងអារម្មណ៍នៃការផ្ដល់ការងារដោយខ្លួនឯង។
តើមានការទូទាត់ដោយគ្មានសាច់ប្រាក់ឬទេ?
ខ្ញុំគិតថា ច្បាស់ណាស់នោះគឺជាទិសដៅដែលត្រូវធ្វើដំណើរទៅបន្តទៀត។ នៅទីនេះ ក្រុមហ៊ុន Uber បានដាក់ឲ្យប្រើប្រាស់ការទូទាត់ជាសាច់ប្រាក់ ដោយសារតែប្រទេសកម្ពុជាគឺជាប្រទេសប្រើប្រាស់សាច់ប្រាក់។
តាមទស្សនៈរបស់ខ្ញុំ គឺថា យើងចាំបាច់ត្រូវបន្តការងារលើការរួមបញ្ចូលសេវាហិរញ្ញវត្ថុ នៅក្នុងប្រទេសនេះ។ មិនមានអ្នករកស៊ីនៅក្នុងឧស្សាហកម្មនេះខុសគ្នាច្រើននោះទេទាក់ទងនឹងការទូទាត់ប្រាក់តាមអេឡិចត្រូនិកនៅក្នុងទីផ្សារនេះនៅពេលនេះ ហើយខ្ញុំកំពុងពិភាក្សាជាមួយពួកគេទាំងអស់គ្នា ដូច្នេះ ខ្ញុំអាចដឹងពីផែនការរបស់ពួកគេ និងអ្វីដែលពួកគេមាននៅក្នុងផែនការ ដើម្បីត្រួតពិនិត្យទីផ្សារនេះ៕ LA
