.jpg)
ជាងដេរអង្គុយតម្រង់ជួរ ដេរប៉ះខោអាវ លើកស្ទួយការប្រើប្រាស់ឡើងវិញជាជាងបោះចោលទិញថ្មី។ AFP
ភ្នំពេញៈ កម្ពុជាបានទាក់ទាញការវិនិយោគលើទ្រព្យសកម្មថេរ (fixed-asset investment) ក្នុងទឹកប្រាក់ ៥,២ពាន់លានដុល្លារក្នុងឆ្នាំ២០១៧ កើន ៤៤ភាគរយ ធៀបនឹងឆ្នាំ២០១៦។ នេះបើយោងតាមតួលេខរបស់ក្រុមប្រឹក្សាអភិវឌ្ឍន៍កម្ពុជា ដែលរាយការណ៍ដោយទីភ្នាក់ងារព័ត៌មានស៊ីនហួកាលពីថ្ងៃ ពុធ។
ការវិនិយោគនេះជាប់ទាក់ទងនឹងគម្រោងជាង ១០០ ដែលត្រូវបានអនុម័តក្នុងវិស័យកសិកម្ម ផលិតកម្ម ទេសចរណ៍ ទូរគមាគមន៍ និងដឹកជញ្ជូន។
មូលនិធិជាង ៣ពាន់លានដុល្លារនៃទឹកប្រាក់សរុបបានមកពីវិនិយោគិនកម្ពុជា ខណៈក្រុមវិនិយោគិនជនជាតិចិនមាន ១,៤៣ ពាន់លានដុល្លារ ឬ ២៧ ភាគរយនៃការវិនិយោគទ្រព្យសកម្មថេរទាំងអស់សម្រាប់ឆ្នាំ ២០១៧។
វិនិយោគពីសិង្ហបុរី ដែលជាប់ចំណាត់ថ្នាក់ទី៣ មាន ២៥២ លានដុល្លារ៕ LA
