Search form

Login - Register | FOLLOW US ON

Logo of Phnom Penh Post newspaper Phnom Penh Post - កំពង់ផែ​ព្រះសីហនុ​ បើក​ឲ្យ​មាន​ការ​ទិញ​ភាគ​ហ៊ុន​នៅ​សប្តាហ៍​នេះ

Content image - Phnom Penh Post
ទិដ្ឋភាព​កំពង់​ផែ​ស្វយ័ត​ក្រុង​ព្រះសីហនុ។ ហេង ជីវ័ន

កំពង់ផែ​ព្រះសីហនុ​ បើក​ឲ្យ​មាន​ការ​ទិញ​ភាគ​ហ៊ុន​នៅ​សប្តាហ៍​នេះ

ភ្នំពេញៈ ការ​ធ្វើ​បរិវិសកម្ម​ (​ការ​ជាវ​) លើ​ការ​បោះ​ផ្សាយ​មូល​បត្រ​ជា​សាធារណៈ​លើក​ដំបូង (IPO) របស់​កំពង់ផែ​ក្រុង​ព្រះសីហនុ (SAP) ត្រូវ​បាន​បើក​ដំណើរការ​ កាល​ពី​ថ្ងៃ​ពុធ ដោយ​ភ្នាក់ងារ​ធានា​ទិញ​មូលបត្រ​របស់​ខ្លួន ព្យាករ​ពី​ការ​ឆ្លើយ​តប​របស់​វិនិយោគិន​ដ៏​រឹងមាំ​បន្ទាប់​ពី​ការ​ធ្វើ​បរិវិសកម្ម​ក្នុង​អំឡុង​ការ​ស្ទាបស្ទង់​តម្លៃ​មូលបត្រ​កាល​ពី​ខែ​មុន​មាន​ចំនួន​លើស​។

SAP ដែល​ប្រតិបត្តិការ​កំពង់ផែ​សមុទ្រ​របស់​កម្ពុជា​នៅ​ក្រុង​ ព្រះសីហនុ កំពុង​ដាក់​លក់​ភាគ​ហ៊ុន​ ២១,៤ ​លាន​ ហ៊ុន​ដល់​ក្រុម​វិនិយោគិន ឬ ​ប្រហែល ​២៥ ​ភាគរយ​ នៃ​ភាគ​ហ៊ុន​សរុប​របស់​ខ្លួន​។

ដោយ​ភាគ​ហ៊ុន​មាន​តម្លៃ ៥ ០៤០​ រៀល ​(១,២៦ ​ដុល្លារ​) ក្រុមហ៊ុន​នឹង​រក​ប្រាក់​បាន ​២៧ ​លាន​ដុល្លារ​សម្រាប់​ការ​ទិញ​ឧបករណ៍ និង​ការ​ពង្រីក​។

លោក សេង ចាន់​ធឿន ប្រធាន​ផ្នែក​ហិរញ្ញវត្ថុ​នៅ​ក្រុមហ៊ុន​មូលបត្រ SBI Royal Securities ដែល​ជា​ភ្នាក់ងារ​ធានា​ទិញ​មូលបត្រ​របស់ SAP បាន​ឲ្យ​ដឹង​ថា ការ​បង្ហាញ​ដ៏​រឹងមាំ​ដោយ​ក្រុម​វិនិយោគិន​ស្ថាប័ន​ក្នុង​អំឡុង​ការ​ស្ទាបស្ទង់​តម្លៃ​មូលបត្រ​បាន​បង្កើន​ការ​រំពឹង​ទុក​សម្រាប់​ជាវ​រាយ​របស់​ខ្លួន​។

លោក​ថ្លែង​ថា​៖ «​តម្រូវ​ការ​ខ្ពស់​ខ្លាំង​សម្រាប់ IPO ទោះ​បី​ជា IPO នេះ​ត្រូវ​បាន​ជំរុញ​ភាគ​ច្រើន​ដោយ​ក្រុម​វិនិយោគិន​ស្ថាប័ន​ក្នុង​ស្រុក​ក៏​ដោយ​»​។

យោង​តាម​លោក ធឿន បាន​ឲ្យ​ដឹង​ថា ការ​ដេញ​ថ្លៃ​ភាគ​ហ៊ុន​សរុប​មាន​ចំនួន​ច្រើន​ជាង​បរិមាណ​នៃ​ភាគហ៊ុន​បម្រុង​ទុក ២,៤​ដង​។ ប្រហែល ​ ២​ ភាគ ​៣ ​នៃ​ក្រុម​វិនិយោគិន​ដែល​បាន​ចូលរួម​នៅ​ក្នុង​ការ​ស្ទាបស្ទង់​តម្លៃ​មូលបត្រ​គឺ​វិនិយោគិន​កម្ពុជា​។

លោក​ថ្លែង​ថា​៖ «​យើង​មាន​ក្រុម​វិនិយោគិន​កម្ពុជា​សំខាន់ៗ​ពីរ ដែល​ជា​ក្រុម​វិនិយោគិន​ស្ថាប័ន ហើយ​យើង​មាន​ក្រុម​វិនិយោគិន​បរទេស​ពីរ​បីនាក់ ទោះ​បីជា​បរិវិសកម្ម​របស់​ពួក​គេ​មិន​ខ្ពស់​ដល់​កម្រិត​នោះ​ក៏​ដោយ​»។

លោក ធឿន បាន​ឲ្យ​ដឹង​ថា ទំនុក​ចិត្ត​របស់​លោក​លើ IPO ត្រូវ​ពឹង​ផ្អែក​លើ​សក្ដានុពល​កំណើន​របស់ SAP ជា​កំពង់ផែ​សមុទ្រ​ដ៏​សំខាន់​របស់​ប្រទេស​កម្ពុជា​។ ប៉ុន្តែ​ដើម្បី​ធ្វើ​ឲ្យ​កាន់តែ​ទាក់ទាញ SAP បាន​ផ្ដល់​ឲ្យ​ក្រុម​វិនិយោគិន​ឯកជន​នូវ​ការ​ធានា​ទិន្នផល​ភាគលាភ​៥​ភាគរយ​លើ​តម្លៃ​ភាគ​ហ៊ុន​ដំបូង​ក្នុង​រយៈពេល​៣​ឆ្នាំ​ក្រោយ​។

ទីភ្នាក់ងារ​សហប្រតិបត្តិ​ការ​អន្តរជាតិ​ជប៉ុន​( JICA) ដែល​កំពុង​ផ្ដល់​គម្រោង​ហិរញ្ញប្បទាន​ក្នុង​ការ​ពង្រីក​ហេដ្ឋា​រចនា​សម្ព័ន្ធ​របស់​កំពង់ផែ​នេះ បាន​ទិញ​ភាគហ៊ុន​ជាង​ពាក់​កណ្ដាល​នៃ​ភាគហ៊ុន​ដែល​បាន​ចេញ​៕ LA

0

Comments

Please, login or register to post a comment