ភ្នំពេញៈ មន្ត្រី​ជំនាញ​ក្រសួង​ទេសចរណ៍​កំពុង​ចរចា​ជាមួយ​គ្រឹះស្ថាន​ផ្តល់​កម្ចី និង​ប្រតិបត្តិ​ករ​ទេសចរណ៍​នៅ​កម្ពុជា​ដើម្បី​បើក​ផ្លូវ​ឲ្យ​មាន​ការ​ផ្តល់​កម្ចី​សិក្សា​ផ្នែក​ទេសចរណ៍​មាន​លក្ខខណ្ឌ​អនុគ្រោះ​ជាង​មុន ក្នុង​គោលដៅ​សម្រួល​ដល់​និស្សិត​ដែល​ខ្វះ​លទ្ធភាព​អាច​បន្ត​ការ​សិក្សា​ជំនាញ​ក្នុង​វិស័យ​នេះ​បាន​កាន់​តែ​ច្រើន​។ នេះ​បើ​យោង​តាម​ការ​ឲ្យ​ដឹង​ពី​មន្ត្រី​ក្រសួង​ទេសចរណ៍​កាលពី​ម្សិលមិញ​។