ភ្នំពេញៈ ក្រុម​ការងារ​វិស័យ​ឯកជន ដែល​ត្រូវ​បាន​បង្កើត​ឡើង​ដោយ​អ្នក​ពាក់ព័ន្ធ​នឹង​ផលិតកម្ម​ជ្រូក ក្នុង​គោលបំណង​ទប់ស្កាត់​ការ​នាំ​ចូល​ជ្រូក​ដោយ​ខុស​ច្បាប់​មក​ទីផ្សារ​កម្ពុជា ត្រូវ​បាន​រំលាយ​ចោល​វិញ​ហើយ ដោយ​សារ​ក្រសួង​កសិកម្ម​អះអាង​ថា ក្រុម​ការងារ​នេះ​គ្មាន​ភារកិច្ច​ត្រួត​ពិនិត្យ​លើ​ការងារ​នេះ​ទេ​។ នេះ​បើ​យោង​តាម​លោក ម៉ុង ឫទ្ធី សហប្រធាន​ក្រុម​ការងារ​វិស័យ​កសិកម្ម និង​កសិឧស្សាហកម្ម​នៃ​សភា​ពាណិជ្ជកម្ម​កម្ពុជា​។