ភ្នំពេញៈ កម្ពុជា​បាន​បង្កើន​ចំណាត់ថ្នាក់​មួយ​ពិន្ទុ​នៃ​សមត្ថភាព​ប្រកួត​ប្រជែង​ពិភពលោក​ទោះបី​ជា​អត្រា​អំពើ​ពុករលួយ​ខ្ពស់​នៅ​តែ​ជា​ឧបសគ្គ​ដ៏សំខាន់​ក្នុង​ការ​ធ្វើ​អាជីវកម្ម​ក៏ដោយ។ នេះ​បើ​តាម​របាយការណ៍​សមត្ថភាព​ប្រកួត​ប្រជែង​ពិភពលោក​របស់​វេទិកា​សេដ្ឋកិច្ច​ពិភពលោក​ថ្មីៗ​នេះ​ ខណៈ​ការ​បង្កើន​លទ្ធភាព​ក្នុង​ការ​ទទួល​បាន​ការ​អប់រំ​ថ្នាក់​ឧត្តម​សិក្សា​មាន​គុណភាព​គួរ​តែ​ជា​អាទិភាព​ខ្ពស់​បំផុត​របស់​រដ្ឋាភិបាល​ក្នុង​ការ​កែលម្អ​ការ​វាយតម្លៃ​ចំណាត់​ថ្នាក់​របស់​ខ្លួន។