Search form

Login - Register | FOLLOW US ON

Logo of Phnom Penh Post newspaper Phnom Penh Post - ចំនួន​អ្នក​ទទួលកម្ចីរបស់​ MFI ធ្លាក់ចុះ​ ៥ ភាគរយ

Content image - Phnom Penh Post
ពលរដ្ឋ មក​​ទទួល​សេវា​នៅ​គ្រឹះ​ស្ថាន​មីក្រូ​ហិរញ្ញ​វត្ថុ​ប្រាសាក់​កន្លង​មក។ ហុង មិនា

ចំនួន​អ្នក​ទទួលកម្ចីរបស់​ MFI ធ្លាក់ចុះ​ ៥ ភាគរយ

ភ្នំពេញៈ ​ចំនួន​អ្នក​ទទួល​កម្ចី​របស់​មី​ក្រូហិរញ្ញ​វត្ថុ​ (MFI)​ បាន​បង្ហាញ​ពី​​និន្នា​ការ​ធ្លាក់​ចុះ​នៅឆ្នាំ​នេះ​ ដោយ​ចំនួន​​អ្នកខ្ចី​ប្រាក់​ធ្លាក់​ចុះ​ប្រហែល​ ៥​ ភាគ​រយ​ នៅ​ចុង​ត្រី​មាស​ទី ៣ ​ឆ្នាំនេះ​ ​ជា​ការ​ផ្លាស់​ប្តូរ​មួយ​ត្រូវ​អ្នករក​ស៊ី​នៅ​ក្នុង​ឧស្សាហ​កម្ម​នេះ​បាន​ឲ្យដឹង​ថា ​ដោយ​សារ​តែ​​ប្រតិ​បត្តិករ​ងាក​ទៅ​រក​ការ​ពង្រឹង​គុណ​ភាព​កម្ចី​ និង​ផល​ប៉ះពាល់​ដោយសារ​ការ​កម្រិត​អត្រា​ការប្រាក់​។​

យោង​តាម​ទិន្ន​ន័យ​បាន​ពី​សមា​គម​មីក្រូ​ហិរញ្ញ​វត្ថុ​កម្ពុជា​ (CMA)​ ចំនួន​អ្នក​ខ្ចីប្រាក់​​ក្នុង​ចំណោម​គ្រឹះ​ស្ថាន​មីក្រូ​ហិរញ្ញ​វត្ថុ​ (MFI)​ ទាំង​ ៦៦​ អតិថិ​ជន​មាន​ចំនួន​​ចំនួន​សរុប​ ១,​៨៤ លាន​នាក់​ នៅ​ចុង​ខែ​កញ្ញា ​ឆ្នាំ​នេះ​ ​ធ្លាក់​ចុះ​ ៥​ ភាគ​រយ​ធៀប​នឹង​ចំនួន​អតិថិ​ជន ១,​៩៤ ​លាន​នាក់​កាល​ពី​ខែ​កញ្ញា​ ឆ្នាំ​ ២០១៦​។ ​

ទិន្ន​ន័យ​ CMA ​​បង្ហាញ​ថា ​កម្ចី​ដែល​សង​ត្រឡប់​មិន​ទាន់​ពេល ​(PAR​)​ ​​ក្នុង​ឧស្សាហ​កម្មនេះ​​មាន​ចំនួន​ ៧៦​ លាន​ដុល្លារ​ កាល​ពីចុងខែ​ កញ្ញា​ ស្នើនឹង​ ១,​៩​ ភាគ​រយ នៃ​ផលបត្រ​កម្ចី​នៅ​ក្នុង​ឧស្សាហ​កម្ម ​ដែល​កើន​ឡើង​ពី​ ៣៩​ លាន​ដុល្លារ​ធៀប​នឹង​ខែ​កញ្ញា​​ឆ្នាំ​មុន​។​

លោក ​សុខ ​វឿន ​អគ្គនា​យក​ LOLC ​(Cambodia)​ ជា ​MFI ​មួយ​ក្នុង​ចំណោម​ MFI ​សំខាន់ៗ​ជា​ច្រើន​នៅ​ក្នុង​ប្រទេស​កម្ពុជា ​បាន​ថ្លែង​ថា ​ការ​ធ្លាក់​ចុះ​ចំនួន​អ្នកខ្ចី​ប្រាក់​របស់​មីក្រូ​ហិរញ្ញ​វត្ថុ​អាច​ត្រូវ​បាន​រួម​ចំណែក​ដោយ​កត្តា​សំខាន់​ៗ​ ជា​ច្រើន​ ដែល​​រួម​មាន​ការ​ពង្រឹង​គុណ​ភាព​កម្ចី​ ការ​កាត់​បន្ថយ​ការ​ចំណាយ​ចំពោះ​កម្ចី​តូចៗ​ក្នុង​ការ​​អនុវត្ត​ការ​កម្រិត​អត្រា​ការ​ប្រាក់​​ ១៨​ ភាគ​រយ​ និង​តម្រូវ​ការ​កម្ចី​កាន់​តែ​ទាប​ពី​អតិថិ​ជន​៕​LA

0

Comments

Please, login or register to post a comment