Search form

Login - Register | FOLLOW US ON

Logo of Phnom Penh Post newspaper Phnom Penh Post - តំបន់​សេដ្ឋកិច្ច​ពិសេស​ព្រះសីហនុ​​ កំពុង​ពង្រីក​និង​ទាក់ទាញ​វិនិយោគិន

Content image - Phnom Penh Post
គំរូប្លង់​គម្រោង​សាងសង់​តំបន់​សេដ្ឋកិច្ច​ពិសេស​ព្រះសីហនុ។ រូបថត​ Sahiba Chawdhary

តំបន់​សេដ្ឋកិច្ច​ពិសេស​ព្រះសីហនុ​​ កំពុង​ពង្រីក​និង​ទាក់ទាញ​វិនិយោគិន

ភ្នំពេញៈ តំបន់​សេដ្ឋកិច្ច​ពិសេស​ខេត្ត​ព្រះសីហនុ ​(SSEZ) កំពុង​ពង្រីក​សមត្ថភាព​លើស​ពី​ដំណាក់​កាល​អភិវឌ្ឍន៍​ដំបូង​របស់​ខ្លួន និង​កំពុង​ស្វែងរក​ការ​ទាក់​ទាញ​អ្នក​ជួល​ថ្មី​ជិត ២០០ ​នាក់​សម្រាប់​រយៈពេល ​៥ ​ឆ្នាំ​ក្រោយ​។

ដោយ​បង្កើត​ឡើង​កាល​ពី​ឆ្នាំ ​២០០៨ SSEZ លាត​សន្ធឹង​លើ​ផ្ទៃដី​ទំហំ​ ១ ១០០ ​ហិកតា នៅ​លើ​ភ្នំ​រហូត​ដល់​ភាគ​ខាង​កើត​ក្រុង​ព្រះសីហនុ​។

ដោយ​អភិវឌ្ឍ និង​ប្រតិបត្តិការ​រួម​គ្នា​ដោយ​ក្រុមហ៊ុន Jiangsu Taihu Cambodia International Economic Cooperation Investment Co Ltd និង​ក្រុមហ៊ុន Cambodia International Investment Development Group Co Ltd (CIIDG) អចលនទ្រព្យ​ឧស្សាហកម្ម​មួយ​នេះ​បាន​ក្លាយ​ជា​ផលបត្រ​សម្រាប់​កិច្ច​សហប្រតិបត្តិការ​រវាង​ប្រទេស ​ចិន និង ​កម្ពុជា ​ស្ថិត​ក្រោម​គំនិត​ផ្ដួច​ផ្ដើម​ខ្សែ​ក្រវាត់​មួយ​ផ្លូវ​មួយ​របស់​ទីក្រុង​ប៉េកាំង​។

បច្ចុប្បន្ន SSEZ មាន​សហគ្រាស​របស់​ចិន​ឈាន​មុខ​គេ​ចំនួន ​១១០ ​ជាមួយ​រោងចក្រ​ចំនួន​ ៩៣ ​នៅ​ក្នុង​ប្រតិបត្តិការ​នៅ​លើ​ការ​អភិវឌ្ឍ​ដំណាក់កាល​ទី​ ១ លើ​ផ្ទៃដី​ទំហំ ​៥២៥ ​ហិកតា ដែល​ធ្វើ​ឲ្យ SSEZ ក្លាយជា SEZ ធំ​ជាង​គេ​នៅ​ក្នុង​កម្ពុជា​ទាក់ទង​ទាំង​ទំហំ និង​ការ​ជួល​។ បុគ្គលិក​ជាង ​១៦ ០០០​ នាក់​ត្រូវ​បាន​ផ្ដល់​ការងារ​នៅ​ក្នុង​សួន​ឧស្សាហ​កម្ម​នេះ ដែល​រាប់​បញ្ចូល​លំនៅឋាន​សម្រាប់​កម្មករ​រោងចក្រ និង​អ្នក​គ្រប់គ្រង​។

លោក Cao Jianjiang អ្នក​គ្រប់គ្រង​ទូទៅ​នៅ SSEZ បាន​ឲ្យ​ដឹង​ថា នៅ​ពេល​នេះ​ក្រុមហ៊ុន​កំពុង​ដំណើរ​ការ​ក្នុង​ការ​អភិវឌ្ឍ​ហេដ្ឋា​រចនា​សម្ព័ន្ធ​នៅ​លើ​ផ្ទៃដី​ដែល​នៅ​សល់​ ៦០០​ ហិកតា របស់​តំបន់​សេដ្ឋកិច្ច​ពិសេស​នេះ ដែល​នឹង​គាំទ្រ​បន្ថែម​ទៀត​ដល់​ការ​ពង្រីក​។

លោក​ថ្លែងថា​៖ «​យើង​កំពុង​ព្យាយាម​ទាក់ទាញ​សហគ្រាស ​៣០០ និង​បង្កើន​កម្មករ​សរុប​ពី​ ៧០ ០០០ នាក់​ដល់​ ៨០ ០០០​ នាក់​ក្នុង​រយៈពេល​ ៥ ​ឆ្នាំ​ក្រោយ​»​។

លោក Jianjiang បញ្ជាក់​ថា ហេដ្ឋា​រចនា​សម្ព័ន្ធ​ថ្មី​នេះ​គួរ​តែ​ត្រូវ​បាន​បញ្ចប់​នៅ​ក្នុង​រយៈពេល​៣​ឆ្នាំ ហើយ​អគារ​លំនៅឋាន​សម្រាប់​កម្លាំង​ពលកម្ម​របស់​តំបន់​នេះ​ត្រឹម​ឆ្នាំ​ ២០២២​។

ខណៈ​លោក​មិន​បាន​បង្ហាញ​ព័ត៌មាន​លម្អិត​ថា​តើ​ការ​ពង្រីក​នេះ​នឹង​ត្រូវ​ទទួល​ហិរញ្ញប្បទាន​ដោយ​វិធី​ណា​នោះ លោក​ឲ្យ​ដឹង​ថា ប្រធាន​ប្រតិបត្តិ​ក្រុមហ៊ុន​កំពុង​ពិចារណា​ការ​ចុះ​បញ្ជី​ភាគហ៊ុន​នៅ​ផ្សារ​មូល​បត្រ​៕ LA

0

Comments

Please, login or register to post a comment