Search form

Login - Register | FOLLOW US ON

Logo of Phnom Penh Post newspaper Phnom Penh Post - ថៃ​ ប្រឈម​បាត់បង់​ភ្ញៀវទេសចរ​ទៅ​ឲ្យ​ប្រទេស​ជិត​ខាង

Content image - Phnom Penh Post
ភ្ញៀវទេសចរ​ងូតទឹក​កម្សាន្ត​នៅ​អាង​ធម្មជាតិ​មួយ​នៅ​ក្រៅ​ទីក្រុង​ហ្លួង​ព្រះបាង ប្រទេស​ឡាវ​។ រូបថត AFP

ថៃ​ ប្រឈម​បាត់បង់​ភ្ញៀវទេសចរ​ទៅ​ឲ្យ​ប្រទេស​ជិត​ខាង

ក្រុងបាងកកៈ ចរាចរណ៍​ផ្លូវ​អាកាស​ដែល​កំពុង​រីកចម្រើន​ខ្លាំង​ក្នុង​តំបន់​អាច​ជំរុញ​ឲ្យ​បាត់បង់​ឱកាស​ធ្វើ​ដំណើរ​ចំពោះ​ប្រទេស​ថៃ​នាពេល​អនាគត ដោយសារ​ក្រុម​ភ្ញៀវទេសចរ​នឹង​ហោះហើរ​ដោយ​ផ្ទាល់​មក​ប្រទេស​កម្ពុជា ឡាវ មីយ៉ាន់ម៉ា និង​វៀតណាម (CLMV)​។ នេះ​បើ​យោង​តាម​អតិថិជន​ទេសចរ​បរទេស​ដែល​មក​ចូលរួម​ព្រឹត្តិការណ៍ Thailand Travel Mart Plus នៅ​ខេត្ត​ឈៀងម៉ៃ​ពី​ចុង​សប្តាហ៍​មុន​។

ការ​ធ្វើ​ដំណើរ​មក​តំបន់​ទន្លេ​មេគង្គ​កំពុង​កើនឡើង​ដោយសារ​លទ្ធភាព​ធ្វើ​ដំណើរ​តាម​ផ្លូវអាកាស​កាន់តែ​ច្រើន និង​ចំណាប់​អារម្មណ៍​របស់​អ្នក​ធ្វើ​ដំណើរ​នៅ​តាម​តំបន់​ដែល​កំពុង​អភិវឌ្ឍន៍​យ៉ាង​រហ័ស​មួយ​នេះ​។

ក្រុមហ៊ុន​អាកាសចរណ៍​ដែល​ផ្តល់​សេវា​ហោះហើរ​ទាប និង​សេវា​ហោះហើរ​ពេញលេញ​ពី​ប្រទេស​ឥណ្ឌា សិង្ហបុរី ម៉ាឡេស៊ី តំបន់​មជ្ឈិមបូព៌ា និង​ប្រទេស​ចិន​បាន​ចាប់ផ្តើម​ដំណើរការ​លើ​ផ្លូវ​ហោះហើរ​ថ្មី និង​បាន​បង្កើន​ជើង​ហោះហើរ​ទៅ​កាន់​ទិសដៅ​នានា​នៅ​តំបន់​នេះ​ដើម្បី​ឆ្លើយតប​នឹង​តម្រូវការ​ទីផ្សារ​ដែល​កំពុង​កើនឡើង​។

អ្នក​វិភាគ​វិស័យ​ទេសចរណ៍​មកពី​តំបន់​ទន្លេ​មេគង្គ​បាន​ឲ្យ​ដឹង​ថា​តំបន់​នេះ​កំពុង​ក្លាយ​ជា​ទិសដៅ​ទេសចរណ៍​ដែល​មាន​ភាព​ទាក់ទាញ​កាន់តែ​ខ្លាំង​ឡើង ដោយសារ​លទ្ធភាព​ធ្វើ​ដំណើរ​តាម​ផ្លូវ​អាកាស​កាន់តែ​ច្រើន និង​ហេដ្ឋារចនាសម្ព័ន្ធ​គមនាគមន៍​ផ្លូវទឹក និង​ផ្លូវគោក​មាន​ស្ថានភាព​ល្អ​ប្រសើរ​។

អាជ្ញាធរ​ប្រចាំ​តំបន់​នេះ​កំពុង​សហការ​គ្នា​ដើម្បី​កំណត់​អត្តសញ្ញាណ​ម៉ាក​យីហោ​ពិសេសៗ​ដើម្បី​ផ្សព្វផ្សាយ​ការ​ធ្វើ​ដំណើរ​មក​កាន់​តំបន់​នេះ​ដែល​ប្រទេស​កម្ពុជា​នាំ​មុខ​នៅ​ក្នុង​តំបន់​ស្តីពី​ការ​គ្រប់គ្រង​ផលិតផល​បេតិកភណ្ឌ ប្រទេស​មីយ៉ាន់ម៉ា​នាំ​មុខ​ផ្នែក​បទពិសោធ​ក្នុង​មូលដ្ឋាន​ប្រទេស​ឡាវ​នាំ​មុខ​ផ្នែក​ដំណើរ​ទេសចរណ៍​បើកបរ​ដោយ​ខ្លួនឯង និង​វៀតណាម​នាំ​មុខ​ផ្នែក​ទេសចរណ៍​តាម​កប៉ាល់​ទំនើប និង​ប្រទេស​ថៃ​នាំ​មុខ​ផ្នែក​បទពិសោធ​រស់​នៅក្នុង​ទីក្រុង​ទំនើប និង​ម្ហូប​អាហារ​។

អ្នក​ទិញ​សេវា​ទេសចរណ៍​នៅ​ព្រឹត្តិការណ៍​ពិព័រណ៍​ទេសចរណ៍​នេះ​បាន​ឲ្យ​ដឹង​បន្ត​ថា​ឧទាហរណ៍ ភ្ញៀវទេសចរ​ឥណ្ឌា​ចូលចិត្ត​មក​ទស្សនា​ទីក្រុង​បាងកក និង​ខេត្ត​ផាតាយ៉ា​អស់​រយៈពេល​ជាច្រើន​ឆ្នាំ​តែ​បច្ចុប្បន្ន​ភ្ញៀវទេសចរ​ទាំង​នោះ​មាន​ចំណាប់​អារម្មណ៍​ចំពោះ​ខេត្ត ក្រាប៊ី ហួហ៊ីន និង​ឈៀងម៉ៃ ដោយសារ​មាន​ជើង​ហោះហើរ​ត្រង់​កាន់តែ​ច្រើន​។ អ្នក​ដំណើរ​ជនជាតិ​ឥណ្ឌា​អាច​ធ្វើ​ដំណើរ​ទៅ​កាន់​ប្រទេស​ផ្សេង​ទៀត​នៅ​ក្នុង​តំបន់​ដោយសារ​មាន​ជើង​ហោះហើរ​កាន់តែ​ច្រើន​។

លោក Vikrant Bhardwaj នាយក​ប្រតិបត្តិ​ក្រុមហ៊ុន Trans Destinations ដែល​មាន​មូលដ្ឋាន​នៅ​ប្រទេស​ឥណ្ឌា​ភាគ​ខាង​ជើង​មាន​ប្រសាសន៍​ថា​៖ «​ការ​ធ្វើ​ដំណើរ​ពី​ប្រទេស​ឥណ្ឌា​មក​ប្រទេស​ថៃ និង​តំបន់​ទន្លេ​មេគង្គ​មាន​តម្លៃ​ថោក​ជាង​ទៅ​សិង្ហបុរី ឬ​តំបន់​អឺរ៉ុប ៥០ ​ភាគរយ​នា​ពេល​បច្ចុប្បន្ន​»​។

ទិសដៅ​ទេសចរណ៍​ធំ​សម្រាប់​ភ្ញៀវទេសចរ​ឥណ្ឌា​គឺ​ប្រទេស​ថៃ មជ្ឈិមបូព៌ា អឺរ៉ុប សិង្ហ​បុរី និង​ប្រទេស​ម៉ាឡេស៊ី​។

តំបន់​ទន្លេ​មេគង្គ​ក៏​កំពុង​ក្លាយ​ជា​តំបន់​ទេសចរណ៍​កាន់​តែ​មាន​ប្រជាប្រិយភាព​ផង​ដែរ​ចំពោះ​ទីផ្សារ​អឺរ៉ុប​ដោយសារ​ក្រុម​ភ្ញៀវទេសចរ​ទាំង​នេះ​ចូលចិត្ត​ចង់​ដឹង​ពី​វប្បធម៌​ក្នុង​ស្រុក និង​សកម្មភាព​ផ្សងព្រេង​ដូចជា ឡើង​ភ្នំ និង​ធ្វើ​ដំណើរ​ជិះ​ទូក​តាម​ទន្លេ​ជាដើម​។

លោក BartoszGosztyla បម្រើការ​នៅ​ក្រុមហ៊ុន Super Tramp Adventure and Travel របស់​ប្រទេស​ប៉ូឡូញ​ថ្លែង​ថា​ភ្ញៀវទេសចរ​ប៉ូឡូញ​តែងតែ​មក​ទស្សនា​តំបន់​នេះ​ពី​ខែ​តុលា​ដល់​ខែ​មេសា និង​ពី​ខែ​កក្កដា​ដល់​ខែ​សីហា​ដើម្បី​ភ្លក់​អាហារ​ជួប​មនុស្ស​ចិត្ត​ល្អ​ចង់​ដឹង​ពី​វប្បធម៌​ប្លែកៗ និង​ព្រឹត្តិការណ៍​នានា​៕ BP

0

Comments

Please, login or register to post a comment